Popular Bible Verses from Lukas 6

Share

Og lah ma sènꞌòy mòy, dak Tuhan keꞌjèk akal naꞌog ma nyob. Dak naꞌog ibuk, gerèk sènꞌòy rik chèhwoh menéh nachor, nadelũk, dak nayèh-yoh — dak tabeh nachuwoh wèl tebikh sampéy naka-koh. Sebab chènwoh rik nyob gunak untok sènꞌòy mòy, gerèk nak keꞌjèk Allah nachuwoh ma nyob.”

Sènꞌòy rik méj-méj mestik umteꞌèl rik méj, sebab hòj umdol ibuk hal méj èn kelòj hup um. Tapik sènꞌòy jèdhad umteꞌèl rik jèdhad, sebab èn kelòj hup umdol ibuk jènhad. Sebab ilok sènꞌòy umchal nòm nyag umnak, unak lah nahuwòl nòm kelòj hup um.”

Tapik sayèkh lah ma mèsmus nyob dak teꞌèl lah méj ma umnak. Og lah peninjam nak, dak agok as peninjam nak mutèrlos. Dak akal nyob dapad upah rik rayak, dak nyob pèrnéh hòj nyob jadik kuwòt Allah Rik Paléng Balikh, sebab Rik Nak keꞌjèk méj ma sènꞌòy rik tok lèng-lèkh beterime kaséh ròb sènꞌòy jèdhad.

Haros lah nyob bekalõn, gerèk Apak nyob nabekalõn ma sènꞌòy keꞌjèk!”

Yèsus nachal wèl, “Agok tanas salah ma sènꞌòy, supaye Allah tok nabetanas salah ma nyob. Agok hukom ma sènꞌòy, supaye Allah tok nahukom ma nyob. Bok ampon lah ma sènꞌòy mòy, supaye Allah naꞌampon ma nyob keꞌjèk.

Yèsus nachal wèl, “Tapik Yék imchal ma nyob rik kèngyòkh ma Yék: sayèkh lah ma mèsmus nyob! Dak teꞌèl méj ma sènꞌòy rik chèsꞌẽs ma nyob. Semany lah ma Tuhan namteꞌèl méj ma sènꞌòy rik umpantakh ma nyob, dak bepèꞌtak lah untok sènꞌòy rik tèlꞌèl jèdhad ma nyob.

Ilok rik nyob chèn sènꞌòy mòy muteꞌèl ma nyob, teꞌèl lah gah nak untok umnak.

Kalòw mok sènꞌòy nalepag ma kapõk hãk, perak lah namlepag kapõk hãk rik ènlẽng wèl. Kalòw mok sènꞌòy namrus bajuk kèbꞌub hãk, og lah bajuk hãk keꞌjèk ma rik nak. Kalòw mok sènꞌòy nasemany ilok-ilok nòm hãk, og lah ilok rik nasemany nak. Dak kalòw mok sènꞌòy naseyèj milik hãk, agok lah semany wèl barang nak.

Yèsus naꞌog chòntoh mòy, nachal, “Jehuk rik méj tok mèk-mok kebek eh nak laꞌes, dak jehuk rik laꞌes tok mèk-mok kebek eh nak méj.

Tiyab-tiyab jehuk nak umkenal nòm kebek eh. Sènꞌòy tok boléh telèh kebek nòm jehuk bejalak rik tok bekèꞌbek. Bok tok boléh telèh kebek anggor nak nòm bèrher bejalak.