Popular Bible Verses from Lukas 7

Share

Jadik Yék ichal ma hãk: dose eh rik ibuk nak hòj iꞌampon. Sebab unak lah nanak nasayèkh ibuk geb ma Yék. Tapik kalòw Yék iꞌampon ma sènꞌòy rik bedose amès hék, sènꞌòy nak pon akal nasayèkh ma Yék amès hék.” Dak Yèsus nachal ma babok nak, “Dose hãk hòj iꞌampon.”

Tapik Yèsus nachal ma babok nak, “Sebab hãk hapechaye ma Yék, Tuhan hòj natèrgos ma hãk. Wèk lah nòm hup tèngnang!”

Babok nak nalãj nated èn kerek Yèsus, tilok ma jukh Eh. Nanak nayam, dak keꞌej ma jukh Yèsus nòm òng mad eh. Nanak nasok sog eh ma jukh Yèsus namsekul, dak nachëy ma jukh Yèsus. Pas nak nasèd binyak chèsngẽs tèk ma jukh Eh.

Dak yék tok behakak imlãj untok imtèrbuk ma Hãk. Tapik or hék supaye kuli yék namhakh, dak pastik nahakh. Yék ilèkh, sebab yék pon ihoh ma sènꞌòy rik lebéh rayak nòm yék, dak yék keꞌjèk mok jajéh askah rik umhoh ma yék. Bil yék iꞌor askah, ‘Wèk!’ rik nak pon nawèk. Bil yék iꞌor ma askah mòy, ‘Lãj!’ rik nak pon nalãj. Dak bil yék iꞌor kuli yék, ‘Teꞌèl lah naꞌdoh!’ rik nak pon nateꞌèl.” Yèsus nabèlꞌih nakeyòkh gah nak. Rik Nak nawãr dak nachal ma sènꞌòy jajéh rik hèh-hoh, “Kemën Yék ichal ma nyob, tok pernah Yék itèrbuk sènꞌòy rik kuwad napechaye gerèk doh, èn sènꞌòy Israꞌèl pon hõy!”

Bil mase nak, Yèsus natèrhakh jajéh sènꞌòy jèk-jik. Dak Nanak nakiron yel-yel jèdhad dak natèrhakh mad sènꞌòy bebèybëy. Dak anak Yèsus nasaꞌod ma nar hèhoh Yohanès naꞌtèk, “Mak lah, oglèkh ma Yohanès tande rik hòj kaꞌan yad bok keyòkh: sènꞌòy bebèybëy umnéh, sènꞌòy bekantem umchèb-chib, sènꞌòy bechenèk sèmpok umjadik méj wèl, sènꞌòy tèb-tãb umkeyòkh, sènꞌòy kèsbes umwòg wèl, dak iꞌoglèkh Gah Méj nòm Allah ma sènꞌòy hèl-hal.