Popular Bible Verses from Yohanès 15

Share

Yék lah tèngtèng anggor bok nyob lah lènwòy eh. Kalòw nyob selaluk nyob gos èn Yék, bok Yék pon mok èn nyob, nyob akal nyob bekèꞌbek ibuk. Tapik kalòw nyob tok gès-gos èn Yék, nyob tok dapad nyomteꞌèl ilok-ilok pon.

Gos lah èn Yék, bok Yék pon mok èn nyob. Tok mèk-mok lah lènwòy nak dapad namkèꞌbek dèꞌrik eh; haros lah mok samak tèngtèng. Gerèk nak keꞌjèk, nyob tok dapad nyombekèꞌbek dèꞌrik; had kalòw nyob tetab nyob gos èn Yék.

Kalòw nyob nyomgos selaluk èn Yék, bok tenènglèkh Yék nyob dol èn kelòj hup nyob, nyob boléh nyomsemany ilok-ilok rik nyob chèn, bok Tuhan akal nateꞌèl untok nyob.

Kedak nyob rik bepili ma Yék, tapik Yék lah rik bepili ma nyob bok iꞌor ma nyob supaye nyomwèk bok nyombekèꞌbek ibuk kebek rik tènhan sampéy bilok-bilok. Sebab nak lah Apak akal naꞌog ma nyob ilok-ilok pon rik nyob semany èn kelòj kenëh Yék.

Kalòw mok sènꞌòy rik kèsbes untok namtèrgos ma kéy-kéy eh, tok mèk-mok senayèkh rik lebéh rayak nòm senayèkh néy sènꞌòy rik gerèk nak.

Gerèk sènꞌòy rik besèylay nak nachòkh ma lènwòy rik tok bekèꞌbek, Apak keꞌjèk napèrmòy nòm Yék kenèmbek sènꞌòy rik tok umtèlꞌèl nènchèn Eh. Bok lènwòy rik bekèꞌbek, Rik Nak pon nageyèg um supaye mubekèꞌbek lebad wèl.

Udoh lah nèrꞌor Yék: sayèkh lah ma kaban rik nyob, gerèk Yék hòj isayèkh ma nyob.

Bil nyob bekèꞌbek ibuk, nyob nak kemën-kemën hèhoh Yék, bok nyob pèrnéh kuwase ròb renayak Apak Yék.

Yèsus nachal wèl bok naꞌog chòntoh doh: “Yék lah tèngtèng anggor rik kènmën, bok Apak Yék lah rik besèylay.

Chok rik tok gès-gos èn Yék, umnak samak gerèk lènwòy naꞌtèk, rik sènꞌòy nabes bok nakaruk. Kenèmbek lènwòy gerèk nak akal sènꞌòy nachatuk, dak nabes ma kelòj os bok nachur.

Yék ichal kenèmbek doh ma nyob nak supaye nyob kemën-kemën nyomꞌadés èn kelòj hup nyob, samak gerèk Yék iꞌadés.

Yék ihoh ma nèrꞌor Apak Yék, dak Rik Nak selaluk nasayèkh ma Yék. Dak kalòw nyob nyomhoh ma nèrꞌor Yék, Yék pon akal selaluk isayèkh ma nyob.

Jadik udoh lah nèrꞌor Yék ma nyob: sayèkh lah ma kaban rik nyob!”

Kalòw lah nyob tik samak gerèk sènꞌòy èn duniak doh, pastik lah sènꞌòy duniak doh umsayèkh ma nyob gerèk nyob nak nòm pitak rik umnak. Tapik Yék hòj ipili ma nyob nòm duniak, bok nyob tok samak wèl ma sènꞌòy gèhnih èn duniak doh. Unak lah sebab eh umcheꞌẽs ma nyob.