Popular Bible Verses from Yohanès 14

Share

Yék akal iperak ma nyob, tapik iꞌog ma nyob hup rik tèngnang nòm Rik Yéh. Dak ilok rik Yék iꞌog nak tok samak gerèk ilok rik duniak doh naꞌog ma sènꞌòy. Jadik agok lah nyob èd-id èn kelòj hup nyob, bok agok tukh!

Yèsus nasaꞌod, “Yék lah nòng eh nak. Yék lah irik perèhnéh ilok rik kènmën. Bok Yék lah irik èg-og nèsgos rik jalꞌéng. Tok mèk-mok néy sènꞌòy pon namlãj ma Apak kalòw tok mèk-mok nòm Yék.

Yèsus nachal ma mèn hèhoh Eh, “Agok lah nyob èd-id èn kelòj hup nyob. Pechaye lah ma Allah, bok pechaye ma Yék keꞌjèk.

Tapik akal Apak natèrꞌèn ma nyob Ruway Kudus. Ruway Kudus nak nalãj nòm kuwase rik Yék, bok Nanak iRik Betulong ma nyob akal. Dak Rik Nak lah akal nabetènglèkh ma nyob kenèmbek hal. Nanak keꞌjèk rik akal naberèngleng ma nyob tentang kenèmbek hal rik Yék hòj itènglèkh ma nyob.

Chok rik beterime bok umhoh ma nèrꞌor Yék, umnak lah rik besayèkh ma Yék. Apak Yék akal nasayèkh ma sènꞌòy rik besayèkh ma Yék, dak Yék keꞌjèk akal isayèkh ma umnak bok ipèrnéh Rik Yéh ma umnak.”

Dak Yék akal isemany ma Apak supaye namꞌog ma nyob Ruway Kudus, Rik Betulong ma nyob bok akal mok samak nyob sampéy bilok-bilok. Ruway Kudus lah irik perèhnéh ilok rik kènmën. Sènꞌòy èn duniak doh tok dapad muterime ma Rik Nak, sebab umnak tok umnèh-néh bok tok umkèlnal ma Rik Nak. Tapik nyob hòj nyob kenal Rik Nak, sebab puꞌdoh Nanak hòj mok samak nyob, bok akal nagel èn kelòj hup nyob.

Ilok-ilok rik nyob semany èn kelòj kenëh Yék akal Yék iteꞌèl, supaye Yék impèrnéh kuwase ròb renayak Apak. Hek, semany lah ma Yék ilok-ilok pon èn kelòj kenëh Yék, dak Yék akal iteꞌèl.”

“Kalòw nyob sayèkh ma Yék, nyob akal nyob hoh ma nèrꞌor Yék.

Èn dékh Apak Yék mok jajéh tempad nèlgel. Kalòw tok kènmën hal nak, pastik Yék iꞌoglèkh ma nyob. Dak puꞌdoh Yék imwèk nèng-nèng imtabéh tempad untok nyob.

Nòm kerek Yék hòj iwèk bok itabéh tempad untok nyob, Yék akal ilos wèl dak iꞌéd nyob samak Yék, supaye nyob nyomgel samak Yék èn tempad Yék igel nak.

Dak Tòmas nachal ma Rik Nak, “Tuhan, kandék tok kilèng-lèkh ma lok Hãk hamwèk. Jadik, gerèk lok bok kandék boléh kimlèkh nòng eh nak?”