Popular Bible Verses from Yohanès 16

Share

Kenèmbek hal doh Yék ichal ma nyob supaye èn Yék nyombema-méj. Sènꞌòy èn duniak doh pastik akal umkeseh ma nyob. Tapik lamid lah hup nyob nak, sebab Yék hòj ikèrlah ma kuwase jènhad èn duniak doh!”

Tapik Ruway rik perèhnéh ilok rik kènmën nak akal nalãj. Dak bil nak Rik Nak akal nabetènglèkh ma nyob supaye nyomlèkh kenèmbek ilok rik kènmën nak. Nanak tok nabecharak nòm rik Eh, tapik Nanak had naterèylòy ilok rik nakeyòkh nòm Allah Apak. Dak Nanak akal naꞌoglèkh ma nyob ilok rik akal nabelakuk ma sòy bilok.

Sampéy puꞌdoh nyob tèk-tik tok nyob sènymany ma Apak gerèk nak. Tapik semany lah, bok akal nyob terime, supaye nyob kemën-kemën nyomꞌadés.”

Tapik Yék kemën ichal ma nyob, lebéh méj lah untok nyob kalòw Yék iwèk nòm nyob. Kalòw Yék tok iwèk-wèk, Ruway Kudus, Rik Betulong nak, tok nalèj-lãj ma nyob. Tapik kalòw Yék iwèk, Yék akal itèrꞌèn Nanak ma nyob. Dak bil Nanak nalãj, Ruway Kudus akal napèrnéh ma sènꞌòy èn duniak doh benèdlod umnak sèk: tentang dose, tentang ilok rik kènmën èn mad Allah, bok tentang henukom Allah ma sèj-sòj jakal.

Gerèk nak keꞌjèk ma nyob: puꞌdoh nyob akal nyob ngòm. Tapik Yék akal itèrbuk wèl ma nyob, dak bil nak nyob pon akal nyob wel ma nèmngòm nyob bok nyob adés geb. Bok tok mèk-mok chok-chok pon namkod enadés nak nòm nyob! Bil arik nak, nyob akal tok payah nyob semany ilok-ilok ma Yék wèl. Yék kemën ichal ma nyob: nyob boléh semany ma Apak ilok-ilok èn kelòj kenëh Yék, bok Apak akal naꞌog ma nyob.

Kemën Yék ichal ma nyob: nyob akal nyob yam bok nyob hõg, tapik sènꞌòy èn duniak doh akal umꞌadés. Nyob akal nyob ngòm geb, tapik pas nak akal nyob beꞌadés wèl!