Popular Bible Verses from Иоанн ҫырнӑ Евангели 5

Share

Чӑн-чӑнах калатӑп сире: Манӑн сӑмаха итлекен, Мана Яракана ӗненекен ӗмӗрлӗх пурӑнӑҫлӑ пулать, вӑл сута пымасть — вӑл ӗнтӗ вилӗмрен чӗрӗлӗхе куҫнӑ.

Иисус ҫавна, выртаканскере, курнӑ та, вӑл чылайранпа чирленине пӗлсе, калать ӑна: санӑн сывалассу килет-и? тет.

Эсир Ҫырӑва тишкеретӗр: ун урлӑ ӗмӗрлӗх пурӑнӑҫ тупасса шанатӑр. Ҫырӑвӗ вара Ман ҫинчен пӗлтерет. Анчах эсир чӗрӗлӗх илме Ман патӑма килесшӗн мар.

Иисус ӑна: тӑр, выртан вырӑнна ил те утса кай, тет. Лешӗ вара ҫийӗнчех сывалнӑ, выртан вырӑнне илнӗ те утса кайнӑ. Ҫакӑ шӑматкун пулса иртнӗ.

Ҫакна хирӗҫ Иисус ҫапла каланӑ: чӑн-чӑнах калатӑп сире: Ашшӗ епле тунине курмасан, Ывӑлӗ Хӑй тӗллӗн нимӗн те тума пултараймасть: Ашшӗ мӗн тӑвать, Ывӑлӗ те ҫавнах тӑвать.