Popular Bible Verses from लुका 23

Share

[तब येसुले कहल्‍के, “गे बाप, एकर्सिका छेमा करि धि किरकि एकर्सिका थाहा नाइ छो, कथि कर्ति स्‍यो कहिक।”] अनि सिपाहिस्‍या येसुक कप्‍राका चिट्‌ठा घालिक बाँटल्‍के।

ओहे जुमा येसुले ओक्‍रा कहल्‍के, “साँच्‍चेक हम तोरा कह स्‍यो, आजुवै तुइं हम्‍रसङ सोर्गलोकम रहब।”

तब ओइले येसुका कहल्‍के, “हे येसु, तुइं आप्‍न राज्‍येम आब्‍त खुमा हम्‍राहु सम्‍झह्‌य।”

अनि येसुले बर्कि घार चिच्‍याइक एनामे कहल्‍के, “गे बाप, हम आप्‍न आत्‍मा तोर हाथम सुम्‍प स्‍यो।” एतेक कहिक येसुले आप्‍न परान छोरि देल्‍के।

जब ओकर्स्‍या खप्‍परे कहलाहार ठावम पुग्‍ले त ओहेलग सिपाहिस्‍या येसु आ उ दुनुगो पापिका कुरुसम लट्‌काइल्‍के। एक जनाका येसुक दहिना काटम आ दस्‍रोका बमा काटम।

उजुमा लग्‍भग दिनक बार बज्‍ल छले। उ समैस लइक तिन बजे तलिक पुरा देस अँन्‍हार भेले किरकि सुरुजस रउद निक्‍ल बन् भेले आ मन्‍दिरक पर्दा पनि बिचम फटिक दुइ टुक्‍रा भेले।

यि घट्‌नाका देखिक सिपाहिसिक कप्‍तानले एना कहति पर्मेसोरक पर्संसा करल्‍के, “साँच्‍चेक यि मानुक त धर्मि छलो।”