Popular Bible Verses from लुका 22

Share

“गे बाप, तोर इच्‍छा रहतो त यि दुखक बाटि हम्‍र उप्‍रिस हटाइ दे। तैयो हम्‍र इच्‍छा अन्‍सार नाइ तर तोर इच्‍छा अन्‍सार हउस।”

तर तोर बिस्‍वास कम्‍जोर नाइ हउस कहिक तोर लागि हम पर्थना कर्ल स्‍यो। ओहेस जब तुइं फेरि आप्‍न बिस्‍वासम जोर्गर भइक हम्‍रलग घुमिक एब त आप्‍न दाजुभाइसिका पनि बिस्‍वासम जोर्गर बन लागि सहयोग कर्ह्‌य।”

तब येसुले रोटि लेल्‍के आ पर्मेसोरका धन्‍येबाद दैक रोटिका टुक्‍रा करिक एना कहति पेरेरितसिका देल्‍के, “यि रोटि तोर्सिक लागि देल हम्‍र देह स्‍यो। तोर्स्‍या हम्‍र सम्‍झनाम एनाहिमे करिक खाह्‌य।”

ओनाहिमे जब ओकर्स्‍या रोटि खाइसकल्‍के त येसुले अङ्‌गुरक रसस भोर्ल बाटि लइक एनामे कहल्‍के, “यि बाटि हम्‍र रकतम बाह्‌न्‍ल पर्मेसोर आ ओक्‍र उप्‍रि बिस्‍वास कर्लाहार्सिक बिचक लया बाचा स्‍यो, जुन रकत तोर्सिक लागि बहाइल छो।

येसु पराने निकल्‍लाहार जक्‍या दुखम पर्ल कारनस झन आरो थुप्‍रे पर्थना करल्‍के। अनि येसुक पसिना रकतक बर्कि-बर्कि थोपा जक्‍या धर्तिम चुइति छले।]

तर तोर्स्‍या चाहिं ओहोन नाइ हब्‍ह्‌य। तोर्सिभोरि जे सभेस बर्कि बन चाहाछो, उ सभेस कन्‍कि बनुस आ जे अगुवा बन चाहाछो, उ नोकर जक्‍या बनुस।

तर येसुले कहल्‍के, “ए पत्‍रुस, हम तोरा साँच्‍चेक कह स्‍यो, आजु भोल्‍या बोलस अगाहि तुइं हम्‍रा नाइ चिन्‍स्‍यो कहिक तिन बाजि इन्‍कार कर्ब।”