Popular Bible Verses from 1 Koronito 11

Share

Trótrò ꞌdɨ̀vɨɨ lé, ɨ̀nya òndroti vɨɨ butia ꞌdu kópò ꞌbadèè kɨ́nɨ̀, “Kópò ꞌdɨ̀vɨɨ ɨ̀rɨ òyò sòzà oꞌdɨ Orɨ nɨ sòle àmɨ yɨ́ àrɨ ma awo vɨɨ yɨ̀ vɨɨ ɨ, àmɨ ꞌó eꞌyo ꞌdɨ̀vɨɨ, àmɨ nɨ mburia rɨjʉ eꞌyo ma awo vɨɨ ɨgajʉ.” Àrɨ̀yɨ̀kʉ sawà drɨ́á àmɨ nɨ mʉ̀gatɨ̀ ꞌdɨ̀vɨɨ nyarɨa díká àfa mburia kópò ꞌdɨ̀vɨɨ yɨ̀, àmɨ dèè naa dràtaa Opɨ awo vɨɨ eꞌyoa ikúu kpere ɨ̀rɨ nɨ ngarɨa drì kàrɨa.

Àrɨ̀yɨ̀kʉ eꞌyo manɨ òlʉ̀le àmɨ yɨ́ ꞌdɨ̀vɨɨ ɨ̀rɨ eꞌyo manɨ isúlé ngajʉ Orɨ bʉ vɨɨ ɨ. Iní ꞌbanɨ Opɨ Yesu oꞌdɨ nyajʉ vɨɨ yɨ̀, ꞌdu mʉ̀gatɨ̀, díká fè àwàꞌdɨ̀fóò drìa ꞌbadèè, àŋò alɨa ꞌbadèè kɨ́nɨ̀, “ꞌDɨ̀vɨɨ rúá ma awo vɨɨ ɨ, manɨ fèle àmɨ eꞌyo yɨ̀ vɨɨ ɨ, àmɨ ꞌdú díká àmɨ nyáá ɨ̀rɨ eꞌyo ma àwo vɨɨ rɨjʉ ɨgajʉ.”

Ànɨ lè ꞌbarʉʉ ɨ̀rɨ andrí nɨ así ráká dèè ngà nyaa mʉ̀gatɨ̀ díká mbuu àfa kópò ndee alɨa vɨɨ kʉ. Àrɨ̀yɨ̀kʉ ꞌbarʉʉ tè mʉ̀gatɨ̀ nyaa díká àfa kópò ndee alɨa vɨɨ mbuu ìnzìtaa kodrʉ àloo nìtaa rúá Opɨ awo vɨɨ drìa vɨɨ koa drʉ, dèènaa nya díká mbu eꞌyo lizà Orɨ awo vɨɨ nɨ drìa cenɨ̀cenɨ̀.

Ànɨyɨ̀, ꞌba àloo mʉ̀gatɨ̀ ꞌdɨ̀vɨɨ nyale nòsɨ̀kʉ àrɨ Opɨ nɨ dràjʉ àma eꞌyo yɨ̀ vɨɨ mbule léti ònzɨ yɨ̀ vɨɨ ꞌo ɨ̀zatà Opɨ rúá yɨ̀ àloo àrɨ ɨ̀rɨ awo vɨɨ yɨ̀.

Àmɨ òbɨ́ eꞌyo manɨ ꞌole vɨɨ butia ɨ, kɨ̀le manɨ eꞌyo Kristo awo vɨɨ butia òꞌbìle vɨ́nɨ.