Popular Bible Verses from 1 Koronito 12

Share

Fètaa Orɨndɨ Àlátárá awo vɨɨ ɨ nɨ ɨ̀ce àma àlʉàlʉ yɨ́ léti mgbimgbi yɨ̀ àma drɨ́á àzà kojʉ.

Àmɨ rúá Kristo awo nɨ, díká àmɨ àlʉàlʉ ɨ̀rɨ rúá ɨ̀ga àloo ɨ.

Rúá ɨ̀sɨle àlʉa tè drì cii, rúá ɨ̀ga alóo vɨɨ ɨ drɨ́á drì ci ɨ̀rɨ be ɨ̀ndɨ̀, ɨ̀sɨle àloo te ìnzìtaa drʉ, ɨga drɨ́á ɨ ovʉ àyɨ̀kò yɨ̀ ɨ̀rɨ be.

ꞌBa àloo yɨ́ Orɨndɨ Àlátárá vɨɨ ɨ àálé òndʉ̀a nɨ vɨɨ fe ɨ, te àloo yɨ́ ɨ àálé eꞌyo nìzà nɨ vɨɨ fe ɨ drɨ́á òkpo Orɨndɨ àlátárá awo vɨɨ yɨ̀, àloo yɨ́ ɨ àꞌɨ̀taa fe Orɨndɨ àlʉàlʉ vɨɨ yɨ̀, àloo yɨ́ ɨ òkpo ꞌba àtɨ̀jʉ vɨɨ fe ɨ. ꞌBa àloo yɨ́ ɨ òkpo talɨ ꞌojʉ vɨɨ fe ɨ, àlóo yɨ́ òkpo eꞌyo ondríjʉ́ vɨɨ fe ɨ, alóo yɨ́ òndʉ̀a orɨndɨ ɨnɨ ɨ̀sɨle yajʉ vɨɨ fe ɨ, ꞌba àloo yɨ́ ɨ òndʉ̀a ti mgbimgbi nzejʉ vɨɨ fe ɨ díká pàbaa ɨ àlóo yɨ́ òndʉ̀a ti ojajʉ vɨɨ fe ɨ.

ꞌDɨ̀vɨɨ ɨnɨ drɨ́á àzí Orɨndɨ àlʉ vɨɨ awo vɨɨ ɨ díká ɨ ɨnɨ fe àma àlʉàlʉ yɨ̀ ɨ̀rɨ nɨ lèle vɨ́nɨ.

azílé rúá ɨ̀rɨ awa nɨ kʉ benì, te ɨ̀ga àlʉàlʉ ɨnɨ kó arípí àzà trótrò benì.

Fètaa Orɨndɨ nɨ vɨɨ ɨnɨ òbɨ mgbimgbi, te Orɨndɨ àlʉ vɨɨ ɨ ɨnɨ fe drɨ́á nɨ. Léti Orɨ yɨ́ àzí ngajʉ vɨɨ ɨnɨ mgbimgbi, te Opɨ àlʉ vɨɨ ꞌbá ìnzi ɨ. Òkpo àzí ngajʉ vɨɨ ɨnɨ mgbimgbi, te Orɨ àlʉ vɨɨ ɨ òkpo ndee ɨnɨ fe ꞌba ada yɨ́ nɨ̀.

Díká Orɨ òꞌbà òkò kòndè àzí ngale nɨ awo kànísà alɨa vɨɨ ɨnɨ ɨ, ìrìzorè vɨɨ alɨa òpè ꞌba eꞌyo ondrílé vɨɨ ɨnɨ ɨ, nazorè vɨɨ alɨa ɨmbaꞌba nɨ, acete butia àzíꞌbá talɨ ɨdele vɨɨ ɨnɨ ɨ, pàbaa ꞌba fètaa àtɨ̀taa nɨ vɨɨ ɨbe vɨɨ ɨnɨ ɨ, ꞌba ɨcole òꞌbɨ àzà kole vɨɨ ɨnɨ ɨ, ꞌba fètaa drìcezà nɨ be vɨɨ ɨnɨ ɨ díká ꞌba ɨ̀tàle ti mgbimgbi yɨ̀ vɨɨ ɨnɨ ɨ.

Rúá ovʉʉ ɨ̀sɨle be àlʉ kʉ te ɨ̀sɨle ɨbe òꞌbɨ́.

Ɨ̀ndɨ̀a ráaka, rúá ɨ̀sɨle alóo vɨɨ ɨcó ovʉ rúá ɨ̀sɨle ɨꞌdale òkpo ko vɨɨ ɨnɨ ko drʉ kʉ

Rúá tè té ovʉʉ drɨ́á mule nɨ, acete ɨgaa eꞌyo ɨrɨjʉ vɨɨ nɨ té dèènaa ovʉʉ ngʉ̀ale drʉ yà? Rúá tè té ovʉʉ drɨ́á bílé nɨ, acete ɨ̀ga àfa ngùjʉ vɨɨ nɨ té dèèna ovʉʉ ngʉ̀ale drʉ yà? Adanɨa yɨ̀, Orɨ òtì ɨ̀ga mgbimgbi vɨɨ ɨnɨ rúá alɨa vɨɨ ɨnɨ kɨ̀le ɨ̀rɨ nɨ lèle vɨ́nɨ. Te rúá tè ndráánɨ́ ovʉʉ ɨ̀ga àlʉ nɨ, rúá nɨ té ovʉʉ ngʉ̀ale drʉ yà?