Popular Bible Verses from Jems 2

Share

Kasak lukan lâka sin baku sa; upla kum mita ai daukanka ni marikras kaka, kasakka lukan lâka yakan lika pruan sa.

Wan wîna tara ba spirit âpu kaka, pruan sa; bara kasak lukan lâka daukanka yamni ba maikras kaka, baha sin pruan sa.

Muihki nani, upla kum wibia kasak lukan lâka brisa, sakuna wark yamni daukras kaka, ¿witin mapara dîa hilpka bâra kabia ki? ¿Kasak lukan lâka ba mita sip sa ki witin ra swaki sakaia?

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.

Sakuna ban kra upla kum mita wala ra naku wibia: “Man kasak lukan lâka brisma, bara yang lika yamni daukisna.” Bamna man kasak lukankam ba diara yamni daukras kira ai mariks, bara yang mita daukanki yamni ni kasak lukanki ba mamrikamna.

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Man nani kaikisma, Gâd mita upla kasak lukisa wi ba, bahara witin aitani kulkras, sakuna wark yamni dauki ba ra lika.

¿Kaikras sma ki? Ebraham kasak lukanka ba ai daukanka wal kumi asla daukan sa; witin ai kasak lukanka lâka bara ai daukanka nani mita kasak pali marikan.