Popular Bible Verses from Jems 3

Share

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

Bara kupia kumi lâka pliki nani ra, wapni iwbia dukiara kupia kumi lâka ra mangkisa.

Kan anira tuman lâka nani bara wan wîna dukia plikanka bâra kaka, bahara tanis turban lâka, daukanka saura sât sât sin bâra sa.

Naha sim twisa ni, wan Aisika Dawan ra mayunisa, bara upla nani Gâd ai lilka kat paskan nani ba ra lahtubisa. Sim bîla wina mayunra nani bara lahtuban nani sin takisa. Muihki nani, naha na naku kaia sip apia sa.

Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

Sakuna wan twisa ra lika upla mita sip tim daukras. Upla mita ai pura yan luras sa, bara upla ra ikaia puisinka ni banhki sa.

Muihki nani, man nani tilamra smasmalkra ailal kaia apia sa, kan man nani pain kaikisma, yawan smasmalkra nani ba lika, wan lâka kau karna daukan kabia.