Popular Bible Verses from Rumi 5

Share

Matwr Kaitor je chwnw hamjagw obwni majri ongkha, chwng sumsok ganang tongtwtwise Khristo chini bagwi singli rwkha.

I khadung chwnw oaisabw hel khalaiya, twmwi hinba Kaitor Bini Phala Katharni bisingtwi Chini khanw Bini hamjakma baise kwplwng khalaikha.

Obw tama jotho dugu tektoni bisingwbw chwng tongthogw, twmwi hinba chwng siyo je i dugu tekto rok chwnw khaloknai lama aita ujairwgwi tilangoi thangw. Khalokma chini akkwlnw gam khalayoi tisagw tei i gam akkwlni bagwi chini langmarogw khadung ujio.

Paitokmani bisingtwise chwng Kaitorni dayo yachakjuai ongkha tei obwni bagwise Subrai Jisu Khristoni bisingtwi Kaitor bai chini bisingw khakchang akha ongkha. Khristoni bagwise chwng chini paitokmani bisingtwi Kaitorni khakhamma mangkha tei bachagwi tongdok. Chwng tongthogw je i khadung lagwi chwng salsa Kaitorni chwngsachani bagita ongnw.

Jephuo chwng pharan kwrwi ongjak aiphuo Khristo chini bagwi singli rwkha. Thi joragw chwngtwi jar chogya basarokni bagwi thwywi thangkha.

Twmwi hinba, Khristoni thwise chwnw Kaitorni dayo yachakjuai khalaikha aithani imw daijw je chwng Khristoni bisingtwise Kaitorni senji daini yoknw.

Jekhalayoi kaisa borogni gaithalni bagwi jotho borog sumsok ganang hinwi rumjajak. Obwtwijar khalayoi Kaisani kok khananaini bisingtwi jotho borognw raidia hinwi yachagwi lanai.

Keber obwya, tabok chwng Kaitorbai tongthogw. Jisu Khristo, Je chwnw Kaitorni aphak banaikha, Bini bisingtwi Kaitor jebw khalaikha obwni bagwi chwng tabok tongthok jagw.