Popular Bible Verses from Rumi 6

Share

Twmwi himba sumsok je srangpai rw omo ongkha thwima, matwr Kaitorni ruai ongkha Subrai Jisu Khristoni bisingtwi paiphlaiya langma.

Twmwi himba nokh arw sumsokni selengya, nokh Kaitorni khakhammani tolagwse, ikimni tolagwya.

Aithani o baptismoni bisingtwi Khristobai baksa thwywi chwng mangkhoro phubjajak, twmwi hinba Apha Kaitor Bini kotor pharanbai jekhalayoi Khristonw kwthwi daini kathang khalaijak omotijar chwngbw katal langmao himmanaitwi.

Tei nokhni sakni sakbedeknw benirai samung tangni yakphong hinwi sumsokni yagw tisagwi tarwdi. Kwthwi daini kathang ongwi bachanai borog hinwi nokh Kaitorni yagw sakroknw tisagwi rwdi, tei raidattiyani yakphong hinwi nokhni jotho basaknw Kaitorni dayo abwi rwdi.

Chwng sio chini kacham langma Khristobai baksa kruso kaijagwi thwywi thangjak, chini kacham sumsokni langma nachra ongnaitwi. Iswkhalai chwng arw sumsokni seleng ongwi tongalak

Thi omotwijar nokhbw sakrokni sumsokni bima sanmani dayo kwthwi hinwi bakha kadi tei nokh Khristo Jisubai kwrwngwi Kaitorni bachungo kathang tongw.

Iswkhalai nokh ta bakha ka? Kaitorni khakhamma bangnaitwi chwng tama sumsok khalayoi tongthai? Whwi. Chwnglai sumsokni bima sanmao thwywi paijak, Iswkhalai chwng tama khalayoi sumsokni lamagw himtai?

Nokh ta siya je, selengni kosol jephuni nokh kaisaswkni yagw saknw tisagwi rw tei Bini tholmung paleni nang aiphuo nokh Bini seleng ongw? Nwng jwtini sumsoknw mwno iswkhalai nwng thwinai, matwr nwng jwtini Kaitorni kok khanao halai nwng raidattiya juroknai.

Aguo nokh sumsokni seleng ongjak, twmwi himba aiphuo sumsok nokhni sakao baguraima khalaio. Matwr Kaitornw hambai rwgw twmwi himba nokhni dayo je phwrwngma abwi rwjak gam khalayoi paledok. Twmwi hinba, nokh sumsokni selengcha daini aithani yokma manni bagwi tabok raidattiyani seleng ongjak.