Popular Bible Verses from Chibkees 22

Share

Anplahaas ha tis npe tu qhob chia qhais hu ua, “Tuz TSWB npaaj tseg.” Has txiad yog naj hnoos nizna los neeg tseed pheej hu has tas, “Saw tuz TSWB lus roos kwg niz npaaj tseg.”

Vaajtswb has tas, “Koj ca ni coj koj tuas tug tus Ixaj kwg koj hlus tshaaj pliaz, muz tu pez teschias Mawliyas. Koj ca ni muas niz tua hliab fij pus tu kud saw lus roos kwg kud yiad qha tu koj.”

Tuz tidtswb has tas, “Tsi xod tua tuz mitus ko has tsi xod ua nyaab tu niz hlo ni, nizna kud paws has tas koj yeej noog luz has fwd Vaajtswb heeb, tu qhob koj tsi khubxid koj tuas tug tus, koj zoo sas hlo coj tuaj pus tu kud.”

Anplahaas tes has tas, “Vaajtswb yiad muas is tug minyuas yaaj tu ws.” Ces ostug os txibtus txiad ua ke tawgkeb muz liad.

Kud ha cogluz tseg tu koj has tas, kud yiad pus koj muaj xeesntxwz coos npawd ni tej hnoosqus saw nruas ntug, lossis npawd ni tej suaszes nraaz ntug habtxwb. Koj cob xeesntxwz yiad ntaws yeej cud cob yeesncuas. Has kud yiad food kooshmoob qhais koj cob xeesntxwz muz tu txhua yaad neeg kwg nyos hub qaas ntuj na, vid koj noog kud luz.”

Taw is ntus tod qaas na Vaajtswb txiad sid Anplahaas sas. Vaajtswb hu Anplahaas has tas, “Anplahaas!” Anplahaas tes has tas, “Kud nyos qhais na.”

Taadsid qhai tuz TSWB tuz tidtswb hu tiag ntho saw ntuj tuaj tu Anplahaas has tas, “Anplahaas, Anplahaas!” Anplahaas tes has tas, “Kud nyos qhais na.”

Tuz TSWB tuz tidtswb rob hu saw ntuj tuaj tu Anplahaas kua zag os has tas, “Kud cogluz luz qhais kud lus npe, kud yiad food kooshmoob nplua mag tu koj, tuz TSWB yog tuz has ni na. Tu qhob koj taw ua rias ni kud has has koj tsi khubxid koj tuas tug tus kwg koj muas fij tu kud.

Thaws ostug muz txug qhais qhob chia kwg Vaajtswb qha tu Anplahaas liad, Anplahaas ha tees taw is lus thaaj has muas tiaz tso tu saw lus thaaj qhai. Niz ha muas niz tuz tus paab has coj muz tso tu saw cob tiaz, saw lus thaaj.