Popular Bible Verses from Sefaniya 3

Share

HOMPA Karunga goge noge ana kara; nonkondo dendi tadi ku pe efundo. HOMPA nga ku hafera, ano meharo lyendi age nga ku pa ukaro woupe. Age nga dimba ta ku hafere

Siruwo tasi wiza! Ame ngani tengwida vantu woge ava va haragana kwawo; ngani ku ninka o fumane mwa za uzuni makura ngani ku ragopeke hena.” HOMPA yige ana yi uyunga.

HOMPA ana hagesa po efutiso lyoge; ana tundisa po nonkore doge nadinye. HOMPA, Mupangeli gwaIsraeli, noge ana kara; nayimwe si hena eyi no tjilira.

Siruwo tasi wiza! Ame ngani futisa vahepeki veni; ngani yoworora yirema, ano nonkwate ngani di tengwida kwawo. Nomuga dawo ngani di sinta di kare efumano, ano uzuni mudima ngau va tangauka.