Popular Bible Verses from Hagayi 1

Share

Nye tomu yi mono eyi yina kumuhorokera ndi? One kwa kuna rukokotwa rorunzi, nye yiyo mwa zangura tungapi tupu. Mwa kara nonondya dokulya, nye kapi da gwana po di mu kutise. Mwa kara novhinyu zokunwa, nye kapi za ngwana po zi mu korwese! Mwa kara noyikoverero, nye kapi ya gwana po yi mu durure. Murugani kapi a gwana mo yokuvhura kumuparura.

Ano ngesi zendeni konondundu mu ka rete nonkambo, mu ya tungurure ntembeli; makura ntani ngani zi hafera, ngani fumanene po. “One kuhuguvara muzangu gomunzi, nye ago tagu piruka gu kare mununu. Nomu reta muzangu gweni kembo, ame tani gu rerwire kwi. Yinke eyi ani yi ruganene oyo? Morwantembeli zange haza zungurukira, one nye nkenye ogu kuna kurugana nzugo zendi.