Popular Bible Verses from YISEWE 3

Share

Huguvara HOMPA nomutjima goge nagunye. Wa ha hama konondunge danyamoge. O diworoke HOMPA mwanayinye eyi ono kurugana, makura age ta ku likida nzira zouhunga.

Nokanunu si o ligazare asi ove o munongo nye unene; siwa po limburukwa kwaHOMPA o nyoke kurugana udona.

O fumadeke HOMPA pokumupa nzambo zeyi yoyiwa po yosipe sanayinye eyi ayi yimi mepya lyoge. Nsene o yi rugana, ngano yihete yoge ngayi tenduka nombuto, ano vhinyu zoge ngano ngazi kara zonzi unene, zimwe to pungura ko.

Eharo noulimburukwi nokuyisiga si nampili rumwe. Yi limanga monsingo; yi tjangera momutjima goge.

Nsene ta ku pukurura HOMPA, munwange, yi purakena unene, ove o yi tare asi erondoro. HOMPA kupukurura ava ga hara, moomu a pukurura guhya munwendi ogu a linenepeke.

Nokudivara si eyi nina kukuronga, munwange gomugara. Nkenye apa o diworoke eyi ani ku tantere asi yiyo o rugana. Erongo lyange ngali ku pa ukaro woure werago.

Gerago mugara ogu a kara munongo ogu a pongaike nondunge. Amo kwa kara mo mulyo gomunene kupitakana gosisiliveli; kudigwana ove kwa pitakana ngorodo. Unongo mulyo gwawo gwa pitakana unene mamanya gondiro; kutupu eyi wa hara yokuvhura kuheteka po.

O ruganene vanaruhepo uwa, nsene kuvhura kuyirugana.

HOMPA kwa sita evhu nounongo wendi; mediwo lyendi yiyo ga tura eguru pevega lyalyo.