Popular Bible Verses from YISEWE 2

Share

HOMPA yige a gava unongo; kwendi yiko aku tundu ediwo nonondunge.

Lironga eyi nina kukuronga, munwange gomugara, narumwe si asi o divare eyi nina kukutantera asi yiyo o rugana. O purakene kweyi younongo, to kambadara kuyikwata egano. Nhi, o likwambere unongo to lihenge nondunge. O u papare unene moomu o papara sisiliveli nemona lyokuhoreka. Nsene ngo yi rugana, ngo diva asi yinke ayi tanta yokutjira HOMPA, ngo ragope mokulironga yokuhamena kwaKarunga.

Age kugava ekwafo negameno kovantu wovahungami novanausili. Age kugamena ava ava rugana vakwaawo momuwa, ta kungu ava va mu ligavera.

Vantu wovahungami — vantuzuni — yiwo ngava kara omu mosirongo setu. Nye Karunga nga nyafura mo vadinikarunga mosirongo, ano vananzo nga va dura mo moomu ava dura yimeno mevhu.

Ngo kara nononkondo dokunyokera nkenye mukadi ogu ga hara yipara ogu nga heteka kukupukisa nononkango dendi donongwa, ogu ga dira kutetuka, nayendi googu yiyo ga divara nomugano dendi dokupongoka.