Popular Bible Verses from YISEWE 26

Share

Nsene to limburura epuro lyougova, ove kwa govapara nawa‐nawa ngwendi muntu ogu ana li pura. Limburura epuro lyougova nougova, makura ogu ana li pura a dimburure asi age kutupu ko nondunge moomu a gazara.

Egova eli ali rugana yininke yimwe yougova sikando sauvali, kwa fana ngwendi mbwa zina kutengwira poyirusi yazo.

Yitare nsene patupu, mundiro kudima; ano nsene patupu yikavauka, nomutangu kapi tagu horoka po hena.

Vantu ava ava tegere vakwaawo yiraha, vene ava likwata. Ano ava ava simi makero, tava gwire mo.

Egova lyenene hasa, kupitakana ogu a gazara asi age munandunge, age nye ga hana kukara nado.

Kulitura monompata da hana si sininke soge kwa fana ngwendi to zi konzira, to nyangura kutwi kombwa.