Popular Bible Verses from Mateusa 21

Share

Nayinye eyi omu hundire pokukanderera, ngomu yi gwana, nsene mu pura.”

Jesus ta va limburura asi: “Yosili nina kumutantera asi: Nsene si mu kara nepuro, one mwa hana kusinganyeka, ngano kapisi ayi huru yeeyi yina horokere ukuzu yiyo ngomu rugana. Ngano kutantera tupu ngondundu ezi asi, ‘Damuka po apa, o ka gwire mefuta,’ makura tayi horoka.

Mbunga ezi za pitire komeho nezi za kere monyima, tazi zigire asi: “Hosiyana! Wee‐we, MunwaNdafita! Va mu pande ogu ana kuwizira medina lyaHompa. Wee‐we Karunga!”

Makura age ta va tantere asi: “Kwa tjanga va tjanga asi, ‘Nzugo zange ava zi tumbure asi nzugo zokukandererera.’ Ano one yiyo muna zi paka zi kare sipwapwa sovamahaka.”

“Tantereni vantu womoSiyoni asi: Tareni, Hompa gweni ta wiza kweni negomoko. Age ana higire posindongili, ano sindongiligona, muna gwesi somurongero.”

Jesus ta va tantere asi: “Hamwa kara mu rese momatjangwa asi: ‘Emanya eli va zumbire vatungi, yilyo lya kara emanya lyemekovhu. Hompa ga yi rugana, makura yiyo yina kututetura.’

“Yipo nye nina kumutantera asi, Untungi waKarunga ngava u mu gusa, va u pe muhoko peke, ogu ngagu yima yiyimwa yawo.