Popular Bible Verses from Rukasa 7

Share

Yiyo nye nina kukutanterera asi, nonzo dendi dononzi kuna di dongonona po, yeeyi age kwa kara neharo lyenene. Nye ogu va dongwenena po nakauke, kwa kara neharo lyenunu.” Jesus makura ta tantere mukadi asi: “Nonzo doge kuna di dongonona po.”

Jesus makura ta tantere mukadi asi: “Epuro lyoge lina ku parura. Zende nye nombili.”

Age makura ta sikama konyima zaJesus konompadi dendi oku ta lili. Age makura ta woreke nompadi daJesus mahodi, makura ta di kokotesa nohuki dokomutwe gwendi. Age makura ta di ncumita ta di gwaveke magadi gedumba lyewa.

Nanyamwange ko yiyo yina limbi nge kuwiza koge. Nhi, tanta tupu nonkango, makura mukareli gwange a veruke. Yeeyi name muntu va pa nonkondo, vakwayita mwange ava zuvhu. Kutantera gumwe asi, ‘Wiza,’ ta wiza, ndi mukareli gwange asi, ‘Rugana eyi,’ ta yi rugana.” Jesus eyi ga yi zuvha, tayi mu tetura, makura ta piruka a tantere mbunga ezi za mu kweme asi: “Tani mu tantere asi, nomoIsraeli si moomu kapi na gwana mo rumwe epuro lya hura apa.”

Poopo ngoso Jesus ta verura vantu wovanzi womauvera noyikunkira nava wonompepo donondona oku ta mahura meho govatwiku wovanzi. Jesus makura ta va limburura asi: “Zendeni mu ka dimbwire Johanesa eyi muna mono neyi muna zuvhu: vatwiku kuna kumona, yirema kuna kugenda, vanayingondwe kuna kuveruka, yipuru‐puru kuna kuzuvha, vafe kuna kupinduka, ano vahepwe kuna kuvaudisira Mbudi zoNgwa.