Popular Bible Verses from Rukasa 6

Share

Omu gave, none ngava mu pe. Siheteko esi va sinda va nyunganga sa zulilira, ngava si mu tentekera momavha geni. Yeeyi sihetekeso esi omu hetekesa, yiso ngava mu hetekesera none.”

Muntu gomuwa kuhorora yoyiwa yomougawo womutjima gwendi wouwa. Ano muntu gomudona kuhorora yoyidona yomougawo womutjima gwendi woudona. Kana kupwagesa eyi ya zura momutjima.

Nye one, omu hare nonkore deni, tomu va ruganene uwa. Tomu gava makongo one mwa hana kugatondora, makura mfeto zeni ngazi vhuka, one makura ngomu kare vana vaKarunga gekeguru‐guru. Yeeyi nage kuruganena uwa ava va ha pandura novadona.

Omu kare nonkenda, moomu ga kara Guhyeni nonkenda!

“Walye omu pangura, ntani ngava dira kumupangura none. Walye omu gava usima, ntani ngava dira kumupa usima none. Omu dongwenene po vakweneni, none ngava mu dongwenene po.

“Nye one ava muna kupurakena, ame tani mu tantere asi: omu hare nonkore deni, tomu ruganene ava va mu nyenga uwa. Omu swere ava ava mu fingilire, tomu kandererere ava ava mu swaura.

Eyi wa hara asi yiyo nava ku ruganena vantu, nove o yi va ruganene.

Ano nsene ana ku toona muntu ketama, mu pirwira nekwawo. Gumwe hena nsene a ku gusa ndyafa, mu sigira nohema. O gave kwankenye ogu ana kukuhehera yuma. Ove hena oyo yininke nokuyitondora ko si kogo ono yi pe.

“Sitji sosiwa kapi asi yimi yiyimwa yoyidona, ano si kare sitji sosidona kapi asi yimi yiyimwa yoyiwa.

Nkenye sitji kusinongwenesa koyiyimwa yaso. Komega kapi ava nyanga ko ekuzu, ano muntu hena kapi a tete sisokombwa somandyembere kosihwa somega.