Popular Bible Verses from Vaefeso 5

Share

One mu vana vaKarunga, age kwa mu hara. Omu heteke nye kukara moomu ga kara age! Omu lihara‐hare, moomu ga tu here Kristusa, yiyo ga tu ligavera mwene a kare nzambo, nzambo zedumba lyewa lyokuza Karunga komutjima.

Omu litakamese nye omu nomu kara. Omu vangarare ngwendi vanandunge, kapisi mu kare ugova. Nkenye aka karuwo muna gwana, kukaruganesa nawa, yeeyi mazuva aga madona.

Walye omu nu mu korwe, neisi yi zonagura ukaro weni mudima. Nye one omu zure Mpepo zoKupongoka. Omu litantera‐tantere mapisarome nononsumo depando nononzumo dopaMpepo, oku tomu dimbi nonomutjima nadinye, mu fumadeke Hompa. Omu pandwire nkenye apa Karunga Guhyetu nkenye kaninke, medina lyaHompa gwetu Jesus Kristusa.

Walye omu kara ugova, omu kondjere kudiva eyi ana mu harere Hompa, asi mu yi rugane.

Vagara, omu hare vakadi veni, moomu ga hara Kristusa ngereka, yiyo ga lizumbilira mwarwazo monomfa.

Nare ngomu kara momundema, ano nye apa muna ya hama kwaHompa, muna kara nye mouzera. Ano omu kare nye moomu ava kara ava va hamena kouzera.

Omu lizuvha‐zuvhe morwakutjira Kristusa.

Vakadi, omu zuvhe vagara veni moomu omu zuvhu Hompa.

Eyi yina kumuhamena one namuvenye yeyi asi, nkenye mugara a hare mukadendi moomu ga lihara mwene, ano mukadi hena a fumadeke yendi.

Matjangwa kwa tanta asi, “Yipo nye na sigira mugara oguhwe nozina, a hamene mukadendi, ano mouvali wawo makura va kare nye rutu rumwe tupu.”

Walye omu lizuku mundiro novantu ava va hamena komundema, nye one omu yi va nyokere.