Popular Bible Verses from MUUDISI 1

Share

Apa una hulire unongo woge nomaudigu goge nago ngorooro taga vhuka. Pounzi wediwo lyoge nokukora koge yipo aku huru poopo.

Esi sa kara po, yiso kukakara ko hena. Ano nesi va rugana, yiso ngava ka rugana hena. Mouzuni naunye mutupu mo sosipeepe.

Nkenye esi kuvyuka komaupyakadi — maupyakadi kwa kara nononkango dononzi. Meho getu kapi aga kuta kokutara ndi matwi getu ga zure kokuzuvha.

Nayinye kutupu sikwafo, yimo ana kutanta munaunongo. Mwenyo kutupu ko sirugana, yininke nayinye yomawoko‐woko tupu. Kukaramwenyo koge nakunye kokurugana, yinke nye eyi wa gwanena po eyi no likida ngano?

Ame na yi mona nayinye eyi va rugana mouzuni ou. Nye tani ku tantere asi, nayinye kutupu sikwafa. Ayo kwa fana ngwendi kuna kutjida‐tjida mpepo.

Mapupi nomapupi kuna kuhaga po nomakwawo taga horoka po, nye uzuni kapi au, runduruka, hawa karera ngorooro.

Nagumwe si gokudiworoka eyi ya kere po nare. Nomomazuva gokomeho nogusi nga diworoka eyi yina kuhoroka ntaantani nokomeho.

Ame kwa tokwere ni lironge malisigo gopokatji konondunge nougova nopokatji kounongo nouvaya. Nye ame na yi dimburura mo asi name mpepo tupu nina kutjida.