Popular Bible Verses from Vakorosi 3

Share

Omu lididimike?-?didimikire, tomu ligusa‐gusire po, nsene muna lizono namukweni. Omu dongwenene po vakweneni moomu ga mu dongwenena po Hompa.

Omu gazare yemeguru, walye omu gazara yepevhu.

Nkenye eyi omu rugana, omu yi rugane nomutjima nagunye ngogu a ruganene Hompa, kapisi muntu.

Ano one ava ga horowora Karunga, vapongoki ava ga hara, kareni nonkenda nombili nomalinunupiko nekuruko nezaverero.

Nonkango daKristusa di ntungipe mweni. Omu lironga‐ronge oku tomu lipukurura‐pukurura nounongo naunye. Omu dimbe mapisarome nononsumo depando noyidimba yokupongoka. Dimbireni Karunga nonomutjima dompandu. Nkenye eyi omu rugana ndi yokuuyunga, omu yi rugane medina lyaHompa Jesus oku tomu pandura Karunga Guhwe mwendi.

Mwanayinye kareni neharo eli lya kwata nayinye kumwe, momalikwatakano gene‐gene.

Nsene asi one kwa mu pindura koufe kumwe naKristusa, omu kondjere nye yemeguru, omu ga kara Kristusa, kuna hingire korulyo rwaKarunga.

Sigeni mbili zaKristusa, zi pangere monomutjima deni. Yeeyi mbili ezi yizo va mu horowerera morutu rumwe. Omu pandure Karunga nkenye apa.

Ano omu dipage madowo aga aga rugana mweni, ngwendi gaga: ruhonda, nonyata noruho nomadowo gomadona nedowo lyokufukira yininke, kuninka asi ukereli wovakarunga woyimpempa.

Yeeyi one mwa fa, nye mwenyo gweni kwa gu horeka kumwe naKristusa mwaKarunga.

Ano moomu ngoso, none zumbeni nayinye eyi: ugara nehandu nonyanya nomatuka nononkango donondona motuna tweni.

Walye omu litantere‐tantere yimpempa, one ava mwa lihutura muntu gomukuru‐kuru noyikara yendi eyi ga yika. One kwa dwara muntu gomupe, ogu ga wapera kutambura unongo ou wa liza nosihwi soMuungi gwendi.

One vagara, omu hare vakadi veni, nokuvapakera si nyanya.

Anone vanona, omu limburukwe kovakurona veni mwankenye eyi, yeeyi yimo ga hara Karunga.

One vakadi, omu limburukwe kovagara veni, moomu ya wapera Hompa.