Popular Bible Verses from 2 Timoteusa 1

Share

Yeeyi Karunga kapi ga tu pa mpepo zowoma, nani nye kwa tu pa mpepo zononkondo nezi zeharo nezi zokulipangera.

Karunga kwa tu parura, yiyo ga tu zigida tu kare muhoko gwendi. Kapi ga tu zigidira morwewapo lyoyirugana yetu, nani morwamagazaro gamwene noufenkenda wendi. Ufenkenda ou kwa u tu pera mwaJesus Kristusa, awo uzuni simpe patupu.

Morwayininke yangesi yiyo nina kukudiworokesa asi o hwamenene uhwi wonkenda ou ga ku pera Karunga pokukukambeka ame mawoko gange.

Walye o fu nomuga mokusanseka Hompa, ndi mwarwange ame, nkwate zendi. Nye tu hepereni kumwe Mbudi zoNgwa kononkondo edi a tu pe Karunga.

Azo yizo nina kuhepera ngesi. Nye ame nokufa si nomuga, yeeyi na mu diva ogu na pura. Ame hena na diva asi, age ga kara nononkondo dokukara nosinka seyi ya tumbukira nge dogoro kEzuva lyewizo lyaJesus Kristusa.