Popular Bible Verses from 1 Timoteusa 6

Share

Lirombera elirombero lyewa lyepuro, asi o gwane mwenyo gwanarunye. Yeeyi yigo va ku zigidira, apa wa tongwenene nawa epuro lyoge komeho zonondipo dononzi.

Ano edowo lyokudowokera emona, yilyo ntundiliro zomaudona nagenye. Nye vamwe eyi va li dowokera, yiyo lina va gusa mo mepuro, makura vana lizweke nye momaruhodi gomanzi.

Nhi, ukwakarunga kugawopeka sili muntu, ntene a litara asi, eyi ga weka yina mu gwanene.

Mouzuni kapi twa reta mo yuma, ose hena kapi ngatu pitura mo yuma.

O korangede vanangawo woyininke yomouzuni ou asi walye ava linenepeke ndi asi va ture nomutjima dawo memona eli lya hana mutompo, nye ava huguvare Karunga ogu a tu pe yininke yoyinzi yokutuhafesa.

Nye ava va hara kugawopa, kuza momaheteko nomoyiraha yomadowo gomanzi gougova gokuretesa ehudi lyenzi. Ago hena kukoreka vantu moupongo nemezonauko.

O va korangede ava rugane yoyiwa, va gawope moyirugana yoyiwa, va kare ugavi wokupa ko vakwaawo. Omu mwangesi tava lipungwire emonazuni, li kare etateko lyewa lyeyi yokomeho, nkumwe ngava gwane po mwenyo gwanarunye gosili.