Popular Bible Verses from Riwayat Rasul-Rasul Isa 2

Share

Nyamung Petrus lako taunan, "Saruntung nene mesti tobat ke yapaning dalam singin Isa Al Masih Raja Basalamat dadi tanda turit Diri, mabau yaampin dosa nene, ke nene tarima pameang kalis Alatala yanansi Ruh Alatala.

Taunan sarea rajin balajar kalis rasul-rasul ke tetap baremin sopo ate. Ke taunan rajin baremin polak-polak roti ke eneng doa.

Karing sarea tau nyadu nan yasalempo ke Ruh Alatala, ke taunan mulai mo bakarante kenang basa-basa lin. Taunan bauʼ bakarante kenang basa-basa nan ling ada kawasa Ruh Alatala pang dalam taunan.

Embang-embang baseda kalis bao awan, sopo seda ma seda angin keras ade baterepa. Seda nan baseda sasir bale pang taunan tokal. Karing yagita ling taunan sopo luk ade marua ela-ela api, kasear ke nyampe pang taunan masing-masing. Karing sarea tau nyadu nan yasalempo ke Ruh Alatala, ke taunan mulai mo bakarante kenang basa-basa lin. Taunan bauʼ bakarante kenang basa-basa nan ling ada kawasa Ruh Alatala pang dalam taunan.

Saruntung ano taunan teris-teris batompok barema pang Balaʼ Alatala. Ke taunan polak-polak roti ke mangan barema saruntung ano pang bale-bale kewa kameri-kamore ke reda ate, rena puji Alatala. Sarea tau beri lako taunan. Ke saruntung ano Alatala yatamba lowe tau ade yasalamat.

'Ta Firman Alatala, ta ade yadadi pang ahir saman, Ya Kutumpak Ruh-Ku lako bao sarea tau. Anak-anak nene sawai salaki, ya sanapat pangkeling-pangkeling-Ku ade ka Kubada lako taunan, tau-tau taruna nene ya dapat pangita, ke tau-tau loka ya dapat ipi.

Sarea tau nyadu tetap basaiʼ ke sopo ate, ke sarea ade yakamaeng ling taunan yakenang barema-rema. Ke ada bae kalis taunan ade jual harta nani ade yakamaeng, ke yabagi lako saruntung tau ade ada perlu.

Ke sai-sai tau ade ngeneng kewa tutu-tutu lako Alatala, taunan yasalamat.'

Mata ano ya baroba dadi ungkap batangkap, ke bulan dadi mira mara geti, sanopoka datang Ano Alatala, ano ade rea ke mulia nan.