Popular Bible Verses from Riwayat Rasul-Rasul Isa 1

Share

Konang ya nene tarima kawasa muntu Ruh Alatala datang turin pang nene, ke nene ya dadi tau ade basarungan luk Aku pang kota Yerusalem, pang sasir wilaya Yudea ke Samaria, ke jangka poto dunia."

Nyamung Diri lako taunan, "No mo manta nene to waya atawa masa. Bapak-Ku diri ade baeng satentu waya nan me ling kawasa Diri.

Pang sopo waya muntu Diri mangan barema-rema ke taunan, Isa beling, "Naʼ nene bilin kota Yerusalem konang nene tari mo Ruh Alatala ade ka yajangiʼ ling Bapak-Ku, mara ade kamo Kusanapat lako nene. Nabi Yahya paning tau ke aiʼ dadi tanda tobat, konang no si le ampo nene yapaning ke Ruh Alatala."

jangka waya Diri kangangkat lako surga. Ke kaji tulis si ampo me kaluk Diri yasasakit jangka mate, ke me kaluk Diri telas kabali kalis kamate. Kasuda Diri telas kabali, peno mo kali Diri sangita diri lako rasul-rasul ade ka yapili ling Diri, mabau taunan to luk Diri tutu-tutu telas kabali. Saleʼ empat pulu ano, Isa galak sangita diri lako taunan ke bakarante meluk Alatala marinta dadi raja. Karing kewa panulung Ruh Alatala, Isa sanapat apa ade mesti yaboat ling rasul-rasul nan.

Beru kasuda Diri beling menan, kangangkat mo Diri kalis angkang mata taunan, ke Diri katutup ling mega jangka no bauʼ yagita ling taunan.

Muntu taunan monga gita Diri entek lako bao awan, embang-embang manang dua tau kenang kereʼ lamung puti pang endeng taunan, ke beling lako taunan, "He tau-tau Galilea, kakuda bua nene manang monga ko bao awan? Isa ta, ade kangangkat lako surga bilin nene, ya datang kabali kenang luk ade sama mara ade beru nene gita Diri lalo lako surga to ta."