Popular Bible Verses from مَرقَس 7

Share

چُون از درُون، از دِلِ اِنسان اَسته که اینی چِیزا بُر مُوشه: فِکرای بَد، فِسادِ اخلاقی، دُزی، قتل، زِنا، طَمع، شرارَت، فِریب، شهوَت پرَستی، حسادت، تُهمَت، کِبر-و-غرُور و لَوڈگی. پگِ امزی چِیزای بَد از داخِل بُر مُوشه و اِنسان ره نَجِس مُونه.“

هیچ چِیزی دَ بُرونِ اِنسان نِییه که دَ داخِل شی بوره و اُو ره نَجِس کُنه، بَلکِه چِیزای که از داخِل شی بُر مُوشه، اُونا اَسته که اُو ره نَجِس مُونه.

اُو دَ جوابِ ازوا گُفت: ”اِشعیای نَبی دَ بارِه شُمو ریاکارا دُرُست پیشگویی کده، امُو رقم که نوِشته شُده: ’اِی مردُم قد لَبای خُو دَز مه اِحترام مُونه، مگم دِل های شی از مه دُور اَسته؛

اُونا بےفایده مَره پرستِش مُونه، چُون اُونا رسم-و-رَواجی ره تعلِیم مِیدیه که اصُولِ اِنسانی اَسته.‘

شُمو احکامِ خُدا ره نادِیده گِرِفته رسم-و-رَواجِ اِنسانی ره محکم مِیگِیرِید.“