Popular Bible Verses from متیٰ 19

Share

عیسیٰ سُون ازوا توخ کده گُفت: ”بَلدِه اِنسان اِی کار نامُمکِن اَسته، لیکِن بَلدِه خُدا پگِ چِیزا مُمکِن اَسته.“

دَمزی صُورت اُونا دِیگه دُو جِسم نِییه، بَلکِه یگ جِسم اَسته. پس چِیزی ره که خُدا یگجای کده اِنسان نَباید جدا کُنه.“

اُو دَ جوابِ ازوا گُفت: ”آیا شُمو نَخاندید که خالِقِ ازوا دَ شُروع اُونا ره مَرد و زَن خَلق کد و گُفت، ’امزی خاطر مرد آته و آبِه خُو ره ایله کده قد خاتُون خُو یگجای مُوشه و هر دُوی شی یگ جِسم مُوشه؟‘

ولے عیسیٰ گُفت: ”بیلِید که بچکِیچای ریزه پیشِ ازمه بییه و اُونا ره از اَمَدو دَ پیشِ ازمه مَنع نَکُنِید، چراکه پادشاهی آسمو دَمزی رقم کسا تعلُق دَره.“

مگم غَدر کسای که اوّل اَسته آخِر مُوشه و آخِرها اوّل.“

و هر کسی که خانه ها یا بِرارو یا خوارو یا آته و آبه یا خاتُو یا بچکِیچا یا زمِینای خُو ره بخاطرِ نامِ ازمه ایله کده بَشه، صد برابر شی ره دَ دِست میره و وارِثِ زِندگی اَبَدی ام مُوشه.

عیسیٰ دَزُو گُفت: ”اگه میخاهی که کامِل شُنی، بورُو، دارایی خُو ره سَودا کُو و پَیسِه شی ره دَ غرِیبا بِدی؛ اوخته تُو دَ عالمِ باله صاحِبِ یگ گنج مُوشی. بعد ازُو بیه و از مه پَیرَوی کُو.“

عیسیٰ دَزُو گُفت: ”چرا دَ بارِه کارِ نیک از مه پُرسان مُونی؟ تنها یگ وجُود دَره که نیک اَسته و بَس. لیکِن اگه تُو میخاهی دَ زِندگی اَبَدی داخِل شُنی، احکام ره دَ جای بیَر.“

بسم دَز شُمو مُوگُم که تیر شُدونِ اُشتُر از نیفِه سِیزو آسوتر اَسته نِسبَت دَ داخِل شُدونِ آدمِ دَولتمَند دَ پادشاهی خُدا.“

و ما دَز شُمو مُوگُم، هر کسی که خاتُون خُو ره بغَیر از عِلَّتِ زِنا طلاق بِدیه و قد دِیگه خاتُو توی کُنه، اُو زِنا مُونه.“

اوخته عیسیٰ دَ یارای خُو گُفت: ”ما حقِیقت ره دَز شُمو مُوگُم، بَلدِه آدمِ دَولتمَند غَدر سخت اَسته که دَ پادشاهی آسمو داخِل شُنه.