Popular Bible Verses from متیٰ 18

Share

چُون دَ هر جایی که دُو یا سِه نفر دَ نامِ ازمه جم شُنه، ما دَ اُونجی دَ مینکلِ ازوا حاضِر اَستُم.“

”بسم دَز شُمو مُوگُم، اگه دُو نفرِ ازشُمو دَ زمی دَ بارِه هر چِیزی که درخاست مُونِید اِتفاق کُنِید، دَ وسِیلِه آتِه مه که دَ آسمو اَسته بَلدِه شُمو انجام دَده مُوشه.

اوخته عیسیٰ یگ بچکِیچه ره کُوی کده دَ مینکلِ ازوا ایستَلجی کد و گُفت: ”ما حقِیقت ره دَز شُمو مُوگُم، تاکه خود ره اِصلاح نَکُنِید و رقمِ بچکِیچای ریزه نَشُنِید، شُمو هرگِز دَ پادشاهی آسمو داخِل نَمُوشِید.“

پس هر کسی که رقمِ امزی بچکِیچه خود خُو ره شِکسته نَفس کُنه، اونَمُو دَ پادشاهی آسمو بُزُرگتَرِین اَسته.

و هر کسی که امی رقم بچکِیچه ره دَ نامِ ازمه قبُول کُنه، مَره قبُول مُونه.

ما حقِیقت ره دَز شُمو مُوگُم، هر چِیزی ره که شُمو دَ زمی بَند کُنِید، دَ آسمو ام بَند مُوشه و هر چِیزی ره که دَ زمی واز کُنِید، دَ آسمو ام واز مُوشه.

پس آتِه آسمانی مه ام قد هر کُدَم شُمو امی رقم رفتار مُونه اگه شُمو بِرار خُو ره از دِل نَبخشِید.“

لیکِن اگه کُدَم کس باعِثِ گُمراهی یکی امزی ریزه‌گِینا شُنه که دَز مه ایمان دَره، بَلدِه ازُو بِهتر اَسته که یگ سنگِ آسیا دَ گردون شی اَوزو شُده دَ چُقُوری دریا پورته شُنه.

شُمو چی فِکر مُونِید؟ اگه یگ نفر صد گوسپو دَشته بَشه و یکی ازوا گُم شُنه، آیا امُو نَوَد-و-نُه گوسپو ره دَ کوه ایله نَمُونه و بَلدِه پالِیدونِ امزُو گوسپونِ گُم شُده نَموره؟