Popular Bible Verses from اِفِسِسیا 2

Share

چُون مو جور شُدِه دِستِ خُدا اَستی و دَ مسیح عیسیٰ خَلق شُدے تا کارای نیک ره انجام بِدی، کارای ره که خُدا پیش از پیش آماده کده تا دَ مُطابِقِ ازوا رفتار کُنی.

چُون شُمو دَ وسِیلِه فَیض از طرِیقِ ایمان نِجات پَیدا کدِید و اِی کارِ ازشُمو نِیَسته، بَلکِه بخشِشِ خُدا اَسته، نَه ام نتِیجِه اعمال شُمو، تا هیچ کس نَتنه دَ بَلِه خُو اِفتخار کُنه.

مگم خُدای که پُر از رَحمت اَسته، بخاطرِ مُحَبَتِ بُزُرگ خُو که نِسبَت دَز مو دَشت، حتیٰ دَ غَیتِیکه مو دَ خطاهای خُو غَرق شُده مُرده بُودی، اُو مو ره قد مسیح زِنده کد. پس دَ وسِیلِه فَیض-و-رَحمت، شُمو نِجات پَیدا کدِید.

اَرے، خُدا مو ره قد ازُو دُوباره زِنده کد و دَ جای های آسمانی قد مسیح عیسیٰ شَند،

پس شُمو غَیرِ یهُودیا دِیگه بیگَنه و ناشِناس نِیَستِید، بَلکِه از هموَطنِ مُقَدَّسِین و اعضای خانَوارِ خُدا اَستِید، چُون شُمو دَ بَلِه تادَوی که رسُولا و پَیغمبرا ایشت آباد شُدِید که مسیح عیسیٰ خود شی سنگِ اَصلی ازُو اَسته.