دُعا مُونُم که چِیمای دِل شُمو روشو شُنه تا بِدَنِید اُمِیدی که خُدا شُمو ره بَلدِه شی کُوی کده چی اَسته و اَرزِشِ میراثِ پُرجلالِ ازُو دَ مینکلِ مُقَدَّسِین چی یَه، و بُزُرگی بےاندازِه قُدرتِ ازُو بَلدِه ازمو ایماندارا چی معنیٰ دَره. امُو قُدرت مُطابِقِ عملِ قُوَتِ عظِیمِ ازُو اَسته که اُو ره دَ وجُودِ مسیح دَ کار بُرد وختِیکه اُو ره از مُرده ها دُوباره زِنده کد و دَ دِستِ راست خُو دَ عالمِ باله شَند، بالهتَر از هر حُکُومت و قُدرت و قُوَت و پادشاهی و هر نامی که گِرِفته مُوشه، نَه تنها دَزی عالم، بَلکِه دَ عالمی که اَمدَنی اَسته ام.