Popular Bible Verses from اوّلِ قُرِنتیا 6

Share

آیا شُمو نَمِیدنِید که جِسم شُمو جایگاهِ روح اُلقُدس اَسته که دَز شُمو وجُود دَره که اُو ره از خُدا یافتِید و شُمو دِیگه صاحِبِ جِسم خُو نِیَستِید، چُون شُمو دَ یگ قِیمَت خرِیده شُدِید؟ امزی خاطر خُدا ره قد جِسم خُو بُزُرگی-و-جلال بِدِید.

آیا شُمو نَمِیدنِید که بدکارا وارِثِ پادشاهی خُدا نَمُوشه؟ خود ره بازی نَدِید، چراکه فاسِقا، بُت‌پرَستا، زِناکارا، باچه‌بےرِیشا، لواطگرا، دُزا، طمعکارا، شرابخورا، بَد زِبونا و زورگِیرا وارِثِ پادشاهی خُدا نَمُوشه.

از زِناکاری دُور دُوتا کُنِید. هر گُناهِ دِیگه ره که اِنسان انجام مِیدیه بُرو از جِسم شی اَسته، مگم زِناکار دَ ضِدِ جِسم خُو گُناه مُوکُنه.

تمامِ چِیزا بَلدِه مه رَوا اَسته، مگم تمامِ چِیزا فایده‌مند نِیَسته. تمامِ چِیزا بَلدِه مه رَوا اَسته، مگم نَمیلُم که یَگو چِیز دَ بَلِه مه حاکِم شُنه.

خُدا قد قُدرت خُو مَولا عیسیٰ ره دُوباره زِنده کد و مو ره ام دَ آخِر زمان زِنده مُوکُنه.