Popular Bible Verses from Sam 18

Share

LOD, lana nogu God rei ie. Ka magne mala pologu ni koikofighau teu koba ie. LOD, lana nogu glave mala tafrira rei thuna te lisu mei mae naoka tagu re. LOD au noilaghi bi'o te mala fakahrighau ni koikofighau teu koba rei ie.

LOD gne tufuni kohlo puhigna ie, ni goeghozegnare tufuni tutu'ani. Eume, nanoni fate'o te tei polo ka God re, ne jateula kahe nodi glave te barifotira ka thunare.

Rei kiloza LOD, ni magne mei toghoghau koba rei, eume mae naokare theome tangomana te mei choghaghau rei ie. Eigna teuwae, tati fate'o lepo fakeliza LOD.

Kate fua au paapara ie, rei kiloza LOD mala toghoghau. Rei tahngi lao ka magne mala toghoghau. Ni magne au ka noa Suga Blahi ie, au ne rogi meiza naoglagu rei ie.

LOD, ghoe lana nogu God ni nogu nabae teu rei ie. Ghoe lana u nogu nabae rei kate romo ie.

Kahe God igne lana te gumei nahneta, ni batughau rei ka nabrau te kohlo.

LOD, gheati lasegho te ghoe God kahra te the'o ka huimu! Leuleghu fata ie, ghoe koikofi fakelighau koba rei. Rei lepo fakeligho, eigna ghoe te fakahrighau.