Popular Bible Verses from ရိမ့ၤ 5

Share

မၱာ်​ဒဳ​က​ဘၱာ်​စဲာ်​နဳၤ စဲာ်​ဒဲ​လၱၢ်​ထာ်​စ​တဲၤ​ဘဲာ်​လီၢ်​ဝၤ ခဳး​ဒဳ​ခ​ရၱာ်​သံ​ကဲၤ​ဝၤ​နံၤ​ခံ​ဘ့​ဝၤ​မၱာ်​ဝ့ၤ​တဲၤ​ခီၣ်​ဝဲၤ​ဖဳး​တ​စီာ်​အ​နံၤ​ခံ​နဳၤ.

တဲၤ​ဆး​ရှံ​အံာ်​တ​မဲၤ​ရှံး​လၤ​ဇ့ၤ​လၤ​ဇၤ ဝၤ​သး​နီး, မၤ​နဲၢ်, က​ဘၱာ်​စဲာ်​လှီး​လၤ​စ​တဲၤ​ဘဲာ်​လီၢ်​ဒဳ​ဝၤ​သး​ပူၤ, ဒဳ​စ​အံာ်​လၤ​နံၤ​ဝၤ​စ​သး​စါ​ထံ​အ​ပူၤ​နဳၤ.

ဝၤ​မီၤ ဖၱး​ဓဳၤ​ဖၱး​မူၤ​ဝၤ​နဲၤ ဝၤ​တဲၤ​ပၤ​တဲၤ​ဆဲ အ​ခဳး​အ​စဲ, မၤ​နဲၢ်, တဲၤ​ပၤ​တဲၤ​ဆဲ မဲၤ​နံၤ​ဝၤ​တဲၤ​ဆဲး​ညဲ​ပီၤ​တီၤ, တဲၤ​ဆဲး​ညဲ​ပီၤ​တီၤ​မဲၤ​နံၤ​ဝၤ တဲၤ​ခီး သး​ဒီ, တဲၤ​ခီး​သး​ဒီ​မဲၤ​နံၤ​ဝၤ တဲၤ​သး​က​လဳၢ်, တဲၤ​သး​က​လဳၢ်​မဲၤ​နံၤ​ဝၤ တဲၤ​ဆး​ရှံ​အံာ်.

က​နဳၤ​အ​ခဳး​အ​စဲ, ခဳ​နူၤ​ယဳၤ ဝၤ​ဘဲာ်​လဲၢ်​က့ၤ​အ​တၱၢ် အ​မှး​ဝၤ တဲၤ​ဘူၣ်​အ​ခဳး​အ​စဲ​ဒဳ​ဘၱာ်​စဲာ်​ယ့ၣ်​ရှူး​ခ​ရၱာ်​အ​ပူၤ, ဝၤ​အီၣ် မီၤ​အီၣ်​မၤ ဘဲာ်​ကဲၤ ဒဳ​က​ဘၱာ်​စဲာ်​အ​လီ​မီၢ်​နဳၤ. ဒဳ​ဝၤ​တဲၤ ဘူၣ်​အ​ခဳး​အ​စဲ, ဝၤ​နံၤ​ဘဲာ်​က​ဘၱာ်​စဲာ်​အ​လှူၣ်​အ​တါ​လီၤ. ဝၤ​ပဲၢ်​ထာ်​ထိ​ဇၤ​ထဳ​ဝၤ​နဲၤ​ဒဳ တဲၤ​ဆး​ရှံ​အံာ်​အ​က​နံၤ​ဘဲာ်​က​ဘၱာ်​စဲာ်​အ​တီၤ​အ​သ့း​နဳၤ.

ဝၤ​အီၣ်​ထံ​အီၣ်​တၤ​ဝ့ၤ​နဳၤ, ခ​ရၱာ်​သံ​ကဲၤ​တဲၤ​ခီၣ်​ဝဲၤ​ဖဳး တ​စီာ်​အ​နံၤ​ခံ ဘ့​က​ဘၱာ်​စဲာ်​ပဲၢ်​လၤ​အ​ခၠၱး​အ​ကျၤ​ဘဲာ်​နဳၤ.

ခ​ရၱာ်​သံ​ဒဳ​စ​မဲၤ​ဝၱၤ​မဲၤ​စါ​ကဲၤ​ဝၤ, မဲၤ​က​နဳၤ​ဒဳၣ်​စ​တ​မဲၤ​လှိ​ထာ်​က့ၤ ဇၤ​ကဲၤ ဝၤ​ဒဳ​က​ဘၱာ်​စဲာ် တဲၤ​သဲး​ထဲး​အ​ကျဲ​နီး​ဧါ.

ပၠၤ​လၢ်​ခဳး​ဖဳး​လဳ​စါ​စဲး​ဘဲာ်​မဲၤ​ဖၱ​ထာ်​တဲၤ​ခီး ဝဲၤ​ဖဳး​ဒဳ​ပၠၤ​တ​ပွဲၤ​အ​တဲၤ တ​ဆီး ခ့​န့း​က​ဘၱာ်​စဲာ်​အ​လ့ၢ်​နီး​အ​စဲ​အ​ခီ​နဳၤ, ပၠၤ​ကိ​အ​ပွဲၤ​က​ဘဲာ်​တဲၤ​လဲၢ်​တၱၢ် လဲၢ်​မှး​ကီ​ဒဳ​ပၠၤ​တ​ပွဲၤ​အ​တဲၤ​ဆီး​ခ့​န့း​အ​စဲ​နဳၤ.

တ​ဘဲာ်​ထဲၢ်​ဝၤ​လၤ​ကျၤ​ကဲၤ​က​ဘၱာ်​စဲာ်​လီၤ​နီး, မၱာ်​ဝၤ​အီၣ်​ဖၱ​ထာ်​ကၱာ်​ကဲၤ တဲၤ​သး​က​နၢ်​အံာ်​ဒဳ​က​ဘၱာ်​စဲာ်​အ​ပူၤ​ဒဳ​ဘၱာ်​စဲာ်​ယ့ၣ်​ရှူ​ခ​ရၱာ်, ထဲၢ်​ဝၤ​နံၤ ဘဲာ် ထဳ​တဲၤ​မဲၤ​သီၣ်​က့ၤ​တ​ပွဲၤ​အီၣ်​အ​ခဳး​အ​စဲ​နဳၤ.