Popular Bible Verses from ဖံးလံးပံၤ 1

Share

မဲၤ​က​နဳၤ​ဒဳၣ်, ယ​ဘူၣ်​သ့​ပွ့ၤ​ဒဳ​က​ဘၱာ်​စဲာ်, ထဲၢ်​အ​စး ထာ် အ​တဲၤ​မဲၤ​အ​ဝၱၤ​အ​အဲး​ဒဳ​သံ​ပူၤ​နဳၤ, စ​က​မဲၤ​ဝ့ၤ အ​လှီ​မီၢ်​ထိ​ဓဳၤ​ဒဳ​တဲၤ​ပ့​ထာ် ဇီၤ​ထာ်​ဘ့​ယ့ၣ်​ရှူး​ခ​ရၱာ်​အ​မူၤ​နံၤ​နဳၤ.

ယ​သ​ဘဲ​တၤ​ထာ် သံ​နံၤ​ခံ စာ်​ဘိ​ထဲၢ်​သံ​တဲၤ ဘဲာ်​လီၢ်, တဲၤ​သၱာ်​ဟဲ​တၱၢ်​တဲၤ​မှး က​ဓဳၤ​ထာ်​တ​ရ့ၤ တ​ရ့ၤ​ပီၢ်​အ​နံၤ​ခံ, ခၣ်​လဲး​သံ​က​ပ့ၢ်​ဖး​ဒး​ဖး​ဇၤ​ကီ တဲၤ​အ​ဘဲာ်​ကၱာ်​အ​တ​ဘဲာ်​နီး, ကၱာ်​သံ​က​ရိၤ ဇၤ​ပီၢ်​တဲၤ​အ​အဲး​က​ဓူ​နဳၤ. အ​နဳၤ​ဒဳၣ်, သံ​က​လှိ က​လၤ​ကၱာ်​ကီ​တဲၤ​တ​စါ​တ​ထံ​နီး​လဳ​စါ​စဲး ကၱာ်​တဲၤ ဒီၣ်​တဲၤ​ဆး, ဘ့​ခ​ရၱာ်​အ​မူၤ​တ​နံၤ​နဳၤ

တဲၤ​သ​မိ မၱာ်​ပီၢ်​တၤ​နဲၢ်. ယ​နံၤ​ခံ​နဳၤ​တဲၤ​သ​မိ မၱာ်​ခ​ရၱာ်​လီၤ. တဲၤ​သံ​နဳၤ အ​လှူၣ်​အ​တါ​အီၣ်​ဒဳၣ်​ချဳ​လီၤ.

ဘ့​ယ​က​မဳၤ​ထာ်​နံၤ​သံ​အ​ဓ့​နဳၤ, ယ​ထါ​အံာ်​တ​ပွဲး က​ဘၱာ်​စဲာ် အ​လှူၣ်​အ​တါ

ခဳ​နူၤ​ယဳၤ, တဲၤ​အ​ယွံၢ်​ဓဳၤ​မဳၤ​ဓဳၤ​တ​မံၤ​မၱာ် သံ​သး​သ​မိ​အ​ကျဲး က​ဘဲာ်​မၱာ်​အ​စာ်​ဘိ ခ​ရၱာ် အ​တဲၤ​သး​လဳၢ်​သး​လၤ​အံာ်​အ​ဝၱၤ​အ​ကဲ အ​တဲၤ လဳၤ​ပၤ​အီၣ်​အ​ခီ​နီၤ, စာ်​ဘိ​ထဲၢ် ယ​က​လ့ၤ​ထၱး​ဇၤ သံ​မၱာ်​ဝၱၤ, တ​ဇၤ​နီး​မၱာ်​ဝၱၤ, ယ​က​သၱာ်​ဟဲ​ဘဲာ်​ပီၢ် သံ​တဲၤ​ဆီ​ထဳး​အီၣ်​မှ့း​အီၣ်​ကျဳၤ​ဒဳ တဲၤ​လဲၢ်​လၤ သး​တ​မဳၤ​လီၤ​အ​ပူၤ, သံ​က​ဒဳး​ယံၢ်​ပျဳာ်​လၢ်​ဝၤ ဒဳ တဲၤ​သး​လဳၢ်​သး​လၤ​အံာ်​အ​ဝၱၤ အ​ကဲ အ​တဲၤ​ဘူၣ် တဲၤ​နဲၢ်​အ​နံၤ​ခံ​နဳၤ.

ယ​တဲၤ​သး​အဲး​နံၤ​ကၱာ် ယ​တဲၤ​မူၤ​လဲၢ်​ဆး​ရှံ​အ​ဓဳၤ​က​ဓူ​မၱာ် ယ​က​တ​ပဲၢ် လၤ​တၤ​ဘဲာ်​ပီၢ်​တဲၤ​ဖၱး​တဲၤ​မဲၤ အ​လၤ​ဘဲာ်​ယဲၤ တ​မံ​နီး, မၱာ်​ကိ​အ​ဆဳ​အ​ခဲ​နဳၤ, လၤ​ဆါ​ဒဲ​ဧဲၤ ခဳ​နဳၤ ယဳၤ, သး​အ​တဲၤ​ခူ​တဲၤ​ဟဲ​က​ပ့​ထာ်​ဇီၤ​ထာ်​ပီၢ်​ယ​ပူၤ, သံ​မၱာ်​ဝၱၤ, သ​မိ​မၱာ်​ဝၱၤ, ခ​ရၱာ်​က​ဘဲာ်​တဲၤ​မဲၤ ရှံ​မဲၤ​ထဲ ဒဳ​ယ​န့ၤ​ဘၱ​စဲာ်​သ​ဒဲ​ပွဲၤ​နဳၤ.

သံ​နံၤ ဘဲာ်​တဲၤ​အ​ခွဲး​အ​ယာ် အ​က​မဲၤ​တဲၤ ဒဳ​ခ​ရၱာ်​အ​နံၤ ခံ, တ​ဘဲာ်​ထ့​သံ​ဘူၣ်​စဲာ်​လီၤ​နီး, မၱာ်​သံ​က​ဓူၤ​ဘဲာ် ခး​ဘဲာ်​ဒဳ​စ​နံၤ​ခံ​ခံ.