Popular Bible Verses from ယိၤဟၣ် 3

Share

က​ဘၱာ်​စဲာ်​ဘဲာ်​လီၢ်​လၢ်​ခဳး​ဖဳး​ပွ့​စ​အံာ်​လၢ်​ဝၤ စ​ဖဳး​အ​အီၣ်​တ​ပွဲၤ​လီၤ, စာ်​ဘိ​ထဲၢ်​ပၠၤ​အ​ဘူၣ်​စဲာ်​တ​စီာ်​က​တ​ဓဳၤ ပီၢ်​ဒဳ​တဲၤ​ဟဲး​ဝၱၢ်​ဟဲး​ကဲ​နီး မၱာ်​က​နံၤ ဘဲာ်​ပီၢ်​တဲၤ​အီၣ်​လၤ ထူ​လၤ​ပျဳၤ​နဳၤ.

မၤ​နဲၢ်​ဒဳၣ်, က​ဘၱာ်​စဲာ်​သ​ဓဳ လ့ၤ​စ​ဖဳး​ဒဳ​လၢ်​ခဳး ယဳၤ​မၱာ်​တ​ဘဲာ်​စ​က​စံး​ရး​လၢ်​ခဳး​ဖဳး တ​စီာ်​အ​နံၤ​ခံ​နီး, မၱာ် စာ်​ဘိ​ထဲၢ်​ဒဳ​စ​ခဳး​စ​စဲ လၢ်​ခဳး​ဖဳး က​နံၤ​ဘဲာ်​ပီၢ်​တဲၤ​လှိ​ထာ်​က့ၤ​နဳၤ.

ယ့ၣ်​ရှူး​ဒီၣ်​ရှံ​က့ၤ​စဲာ်, “​ယ​ဒီ​ဆး​နဲၤ​အ​တၱၢ်​အ​မှး, ပၠၤ​တ​ပွဲၤ က​တ​အီၣ်​လၤ​သဲ​နီး​ဒဳၣ်, စ​တ​စာ် ထၱး​ဘဲာ်​တ​ပွဲး​က​ဘၱာ်​စဲာ်​အ​ထံ​အ​က့ၤ​နီး” စ​ဒီၣ်​လၢ်​ဝၤ ဓဳၤ.

ပၠၤ​အ​ဘူၣ်​စဲာ်​တ​ပွဲၤ​နဳၤ တ​ဘဲာ်​တဲၤ​စံး​ရး နီး, ပ​ရၤ​ဆါ​ပၠၤ​အ​တ​ဘူၣ်​စဲာ်​နီး​တ​ပွဲၤ​နဳၤ​ဘဲာ်​စံး​ရး​ထဳ, မၤ​နဲၢ်​စ​တ​ဘူၣ်​ကဲၤ​က​ဘၱာ်​စဲာ်​တ​ပွဲၤ လီၤ​အ​ဖဳး​နီး​အ​ခဳး အ​စဲ​နဳၤ.

တဲၤ​စံး​ရး​မၱာ်​အ​ယဳၤ. တဲၤ​လှၱ​လ့ၤ​လၤ ကဲၤ​ဒဳ​လၢ်​ခဳး​ယဳၤ, မၱာ်​ပၠၤ​နဳၤ​စ​ဘဲာ်​လီၢ်​တဲၤ​ခံး​ဒဳၣ်​လံ​ကၱာ် တဲၤ​လှၱ​ဒဳ​စ​တဲၤ​ဖၱး တဲၤ​မဲၤ​အ​ကၱ​ကဲး​အ​ခဳး​အ​စဲ​နဳၤ.

စ​က​ဓဳၤ ထာ်​မူၤ​ထာ်​ဘဲာ်, မၱာ်​ယ​က​ရှံး​က​ဇ့ၤ​လၤ​ဘဲာ်​လီၢ်” စီၤ ယိၤ​ဟၣ်​ဒီၣ်​ကဲၤ​ဓဳၤ.

မၤ​နဲၢ်​ဒဳၣ်, ပၠၤ​အ​မဲၤ​တဲၤ​ကၱ​ကဲာ် ကိ​အ​ပွဲၤ​နဳၤ တ​ဝဲၢ် တဲၤ​လှၱ​နီး, ကၱာ်​စ​တ​လ့ၤ​တ​ပွဲး​တဲၤ​လှၱ​အ​ကျဲ​နီး, စာ်​ဘိ ထဲၢ်​စ​တဲၤ​ဖၱး​တဲၤ​မဲၤ​တ​စီာ်​တ​လှၱ​ထာ်​ဖျီ​ထာ်​ပီၢ်​နီး​နဳၤ.

ပၠၤ ထဲၢ်​အ​ဘူၣ်​ဘၱာ်​စဲာ်​ဖဳး​တ​ပွဲၤ​နဳၤ နံၤ​ဘဲာ်​တဲၤ​အီၣ်​အ​လၤ​ထူ​လၤ​ပျဳၤ, ပၠၤ​ထဲ အ​တ​ဘူၣ် ဘၱာ်​စဲာ်​ဖဳး​နီး​တ​ပွဲၤ​နဳၤ​တ​စာ်​ထၱး​ဘဲာ်​တဲၤ​အီၣ်​နီး, မၱာ် စ​က​အီၣ် ဘဲာ်​ကီ​ဒဳ​က​ဘၱာ်​စဲာ်​အ​တဲၤ​စံး​ရး​အ​လဲၢ်​နဳၤ အ​သဲာ်​ယိ​လီၤ.

“​အ​စာ်​ဘိ​စီၤ​မိၤ​ၡ့​တ​ဒါ​ထာ်​ဝူၤ​ဒဳ​လဳၤ​သံ မံး​ဇ့ၤ​ခဳး​နဳၤ​အ​ခီ, ပၠၤ​အ​ဖဳး​နဳၤ​က​ဘဲာ်​တ​ဒါ​ထာ်​ကီ

အ​ပာ် ဘဲာ် လီၢ်​အ​ဖဳး​ကၱာ်​စ​အံာ်​လၤ​လၢ်​ဝၤ​တဲၤ​ကိ​မံၤ​ဒဳ​စ​စူး​ခီး ပူၤ​နဳၤ.