Popular Bible Verses from ယိၤဟၣ် 4

Share

ဘၱာ်​စဲာ်​မၱာ်​တဲၤ​သး ကၱာ် ပၠၤ​ထဲၢ်​အ​သ​ဘူၣ်​သ​ဘဲ​စဲာ်​တ​စီာ်​နဳၤ က​ဘဲာ် သ​ဘဲ​စဲာ်​ဒဳ​သဳး​သး​ကၱာ်​ဒဳ တဲၤ​တၱၢ်​တဲၤ​မှး​လီၤ,” စ​ဒီၣ်​ကဲၤ​လၢ်​ဝၤ​ဓဳၤ.

ပ​ရၤ​ဆါ အ​ခၠၱး အ​ကျၤ​ဘဲာ်​ထဳ ဘ့​ယဳၤ​လီၤ​ထဲၢ်​အ​တဲၤ​သ​ဘဲ အ​တၱၢ်​အ​မှး တ​စီာ်​နဳၤ က​သ​ဘဲ​ကီ​ပာ်​ဒဳ​သိး​သး​ကၱာ်​တဲၤ​တၱၢ်​တဲၤ​မှး အ​ပူၤ​နဳၤ. မၤ​နဲၢ်​ဒဳၣ်​ပာ်​သး​အဲး​နံၤ ပၠၤ​ထဲၢ်​အ​သ​ဘဲ ထာ် စဲာ်​အ​စာ်​ဘိ​က​နဳၤ​လီၤ.

မၱာ် ပၠၤ​ထဲၢ်​အ​က​အီ​ထံ​ယ​အံာ်​စဲာ်​တ​စီာ်​နဳၤ, တ​သး​အီ ဘဲာ်​တ​ခး​ပ့ၤ​နီး. ထံ​ထဲၢ်​ယ​အံာ်​စဲာ်​နဳၤ အ​က​မၱာ်​ကီ ထံ​ပၢ်​စါ​ထဲၢ် ထံ​ထာ်​ပူၢ်​ဒဳ​တဲၤ​အီၣ်​အ​လၤ​ထူ​လၤ​ပျဳၤ အ​ပူၤ​နဳၤ,” စ​ဒီ​ဆး​လၢ်​ဝၤ​ဓဳၤ.

ယ့ၣ်​ရှူး​ဒီၣ်​ရှံ​က့ၤ​စဲာ်, “​န​က​သၱာ်​ဟဲ​မၤ က​ဘၱာ်​စဲာ်​အ​တဲၤ အံာ်​လၤ​ကၱာ်​ပၠၤ​အ​ဒီၣ်​နဲၤ, ‘​အံာ် ယ​အီ​ထံ​တ​ကၱာ်,’ တ​ပွဲၤ​နဳၤ​ဒဳၣ်, န​က​တၤ အီ​တ​ပ့ၤ ကါ​တ​ပွဲး​စဲာ်​ထံ​ကၱာ် စ​က​အံာ်​တ​ပွဲး​န​အီ​ထံ​ထဲၢ် အ​အံာ်​တဲၤ သ​မိ လီၤ​မီၢ်” စ​ဒီၣ်​လၢ်​ဝၤ​ဓဳၤ.

ယ့ၣ်​ရှူး​ဒီၣ်​စဲာ်​တ​စီာ်, “​ယ​တဲၤ​အၣ်​မၱာ် အ​က​မဲၤ​အ​သ​ဓဳ လ့ၤ​ယဲၤ​တ​ပွဲၤ အ​တဲၤ​သး​အဲး​နံၤ ကၱာ်​အ​က​မဲၤ​ပ့​ထာ်​စ​တဲၤ​မဲၤ​နဳၤ” စ​ဒီ​ဆး ကဲၤ လၢ် ဝၤ​တ​စီာ်​ဓဳၤ.

အ​မံၤ​မှူး​ဒီၣ်​ကဲၤ​စဲာ်, “​ဆ​ရၣ်, န​ဒာ်​အံာ် ထံ​အ​နံၤ​ခံ န​အဲ​ထံ ကဳ​တ​အီၣ်​နီး, ကၱာ်​ထံ​ပီၤ​မၱာ် အ​လၤ​ယီၢ်. န​ထံ​ထဲၢ်​အ​အံာ်​တဲၤ​သ​မိ​က​အီၣ် ဒီ ဒီၣ်​လဲၢ်” စ​ဒဲ​က့ၤ​လၢ်​ဝၤ​ဓဳၤ.

အ​မံၤ​မှူး​ဒီၣ်​ရှံ​စဲာ်, “​ယ​သၱာ်​ဟဲ​ထဳ​တ​ပွဲး ထဲၢ်​မ့ၤ​ရှံ​အၤ​နဳၤ​စ​လၤ​ထဳ​ကၱာ်​ဘ့​စ​ဓဳၤ​လ့ၤ​နဳၤ, စ​က​ဒီ ဆး​ကီ​ဝၤ​တဲၤ​လဳ​စါ​စဲး” စ​ဒီၣ်​ဓဳၤ. ယ့ၣ်​ရှူး​ဒီ​ဆး​စဲာ်, “​ယ​မၱာ်​စဲာ်​ထဲၢ် အ​ယၱၢ်​ဘဲာ်​ထၱး​နဲၤ​တ​ပွဲၤ ယဳၤ” စ​ဒီၣ်​လၣ်​ဝၤ​ဓဳၤ.

“​လ့ၤ​စာ်​ပီၢ် ပၠၤ​တ​ပွဲၤ​ထဲၢ်​အ​ဒီ​ဆး​လဳ​ယ​မဲၤ​ကဲၤ တၤ​နဲၢ်, တၤ နဲၢ် တ​ပွဲၤ​နဳၤ. စ​က​မၱာ်​ခ​ရၱာ်​လီၤ​မီၢ်” စ​ဒီ​ဆး​ပၠၤ​ဓဳၤ.