Popular Bible Verses from ကလၤတံ 5

Share

သး​စါ​ထံ​အ​တဲၤ​အံာ်​လၤ​မၱာ်​အ​စီး​ကျၱး​လၤ​ဆါ, တဲၤ​ဘဲာ်​လီၢ်, တဲၤ​မီၤ​တဲၤ​မၤ, တဲၤ​စဳး​တဲၤ​ချံး, တဲၤ​ခီး​သး​ဒီ​ဝံၢ်​သး​ဇဳၤ, တဲၤ​သဳး​ဝၱၤ​သး​မီၤ, တဲၤ​အဲး​တဲၤ​အီ, တဲၤ​တၱၢ်​တဲၤ​မှး, တဲၤ​ဆး​လၤ​သဳး​ဆး​လၤ​သး ကၱာ်​တဲၤ​နဳၤ​တဲၤ​ပဲၤ​လၤ​က့ၤ​တဲၤ​ဖ့း​တဲၤ​ဟၱး. တဲၤ​မှဲး​လၤ​ဒၱာ်​ဒါ​တဲၤ​အ​ယဳၤ​တ​စီာ်​တ​အီၣ်​တ​ပွဲး​နီၤ​ဟဳ.

ယ​သး​အဲး​ဒီၣ်​မၱာ်​က​ယဳၤ, သံ​က​ဘဲာ်​ထိး​နၢ်​အံာ်​ကၱာ်​မၤ​သး​စါ​ထံ​နဳၤ, သံ​လၤ​တ့ၢ်​နံၢ်​တဲၤ​မဲၤ​မီၤ​အံာ်​အ​န့ၤ​အ​စဲ​တ​အီၣ်​နီး.

သး​စါ ထံ​အံာ်​ကဲၤ​ဝၤ​တဲၤ​အီၣ်​သ​မိ​အ​ခဳး​အ​စဲ, သး​စါ​ထံ​က​လ့ၤ​အံာ်​ဒီ​ဧဲၤ​ဝၤ​ဒဳ​အ​လှီ​မီၢ်​နဳၤ.

ပၠၤ​အ​ဘဲာ်​ကၠး​ခ​ရၱာ်​ယ့ၣ်​ရှူး​တ​စီာ်​နဳၤ, ထး​လၤ​ကျဳၤ​သံ​အ​န့ၤ​ဒဳ​တဲၤ​ဖ့း​တဲၤ​ဟၱး​ကၱာ်​တဲၤ​သး​အဲး​နံၤ​လဳ​စါ​စဲး​ထဳ.

ဒဳ​တဲၤ​မဲၤ​မီၤ​န့ၤ​အ​ပူၤ​နဳၤ​တဲၤ​အ​တ​အဲး​တ​အီ​နီး​အီၣ်​ထာ်​အ​မဳ​အ​မဳၤ​လီၤ. တဲၤ​လၤ​သူး​လၤ​က​မဲာ်, တဲၤ​ခဳး​ရဳး​ခး​ရး​ကၱာ်​ဖ့း​ဟၱး​အ​တဲၤ​ကၱ​ကဲာ်​မဲၤ​လှီ​တ​စီာ်​နဳၤ. တဲၤ​သ​ဘဲ​တဲၤ​ယီၤ​တဲၤ​ယၤ, တဲၤ​သူ​တဲၤ​ကၠး, တဲၤ​ထာ်​ဒ့​ဒီၣ်, တဲၤ​မဲၤ​ထၱး​မဲၤ​ပဳၤ, တဲၤ​သး​ကျး​သး​ဆဲ, တဲၤ​သဲး​ထဲး​ဒီး​ဒဲ​ကၱာ်​တဲၤ​သး​အဲး​နံၤ​ဓဳၤ. တဲၤ​လၤ​မူၤ​လၤ​ဖး​ကၱာ်​တဲၤ​တ​လၤ​ယံၢ် နီး. တဲၤ​ဒီၣ်​တၱၢ်​ဒီၣ်​တဲၤ, တဲၤ​အီ​မှူး​အၣ်​ပီး, တဲၤ​မှူး​ပီး​ထီး​အၱး​လဳ​စါ​စဲး​နဳၤ. ခဳ​နဳၤ​ယဳၤ ယ​အံာ်​သ​ဓံ​သံ, လှ့​မီၤ​စဲ​ခဳး​နဳၤ​မၱာ်​မၱာ်​ယ​အံာ်​သ​ဓံ​ထဳ​သံ​သံ. ပၠၤ​အ​မဲၤ​က​နဳၤ​တ​စီာ်​နဳၤ​က​တ​နံၤ​ဘဲာ်​ကီ​က​ဘၱာ်​စဲာ်​အ​ထံ​အ​က့ၤ​နီး.

သဲ​ပူၤ​ဝ့ၤ​တ​စီာ်, အ​စာ်​ဘိ သံ​သၱာ်​ဟဲ​အ​သ​ရ့​နဳၤ, သံ​ဘဲာ်​ယဳၤ​လ့ၤ​ကဲၤ​ဒဳ​တဲၤ​အီၣ်​လှိ​အီၣ်​လၤ​အ​လ့ၤ​နဳၤ. မၱာ်​ဆီး​အံာ်​ပီၢ် စာ်​ဘိ​ထဲၢ် အ​က​တ မဲၤ နံၤ​ပီၢ်​သံ​တဲၤ​မဲၤ​မီၤ​အံာ်​အ​န့ၤ​နီး​နဳၤ. မဲၤ​အံာ်​လှဲး​ပီၢ်​လၢ်​ဝၤ​တ​ပွဲၤ​ကၱာ်​တ​ပွဲၤ ဒဳ​တဲၤ ဘဲာ်​လီၢ်​အ​တဲၤ​ဖၱး​တဲၤ​မဲၤ​အ​ပူၤ​နဳၤ.

မၤ​နဲၢ်​ဒဳၣ်, တဲၤ​မဲၤ​မီၤ​အ န့ၤ​မၱာ်​အ​ထာ်​ဒ့​ဒီၣ်​သး​စါ​ထံ, သး​စါ​ထံ​မၱာ်​အ​ထာ်​ဒ့​ဒီၣ်​တဲၤ​အ​နဳၤ​တ​ဇဲၢ်​နဳၤ, ကၱာ်​တဲၤ​အ​ယဳၤ​ကၠံၢ်​မဳၤ​မၱာ်​အ​ထာ်​ဒ့​ဒီၣ်​လှဲး​ဆိး​လၢ်​ဝၤ​အ​ခဳး​အ​စဲ, သံ​တ​လိၤ​ကိာ်​သဲာ်​ယိ​ကဲာ်​ထာ်​သံ​တဲၤ​ပဲၢ်​လၤ​သး​အ​အဲး​တ​စီာ်​နဳၤ​နီး.

မၤ​နဲၢ်​ဒဳၣ်​တဲၤ​မှဲး​လၤ​အ​ကျဳၤ​ပူၤ​မှၱး​တဲၤ​မှဲး​လၤ​တ​မှိ​လီၤ. “​ဘဲာ်​လီၢ်​ပီၢ်​ပွဲၤ​ဘိး​ထၱး​နဲၤ​အ​စာ်​ဘိ​န​ဘဲာ်​လီၢ်​လၤ​က့ၤ​န​န့ၤ​နဳၤ.”

ဝၤ​တ​ဘဲာ်​ပဲၢ်​ထာ်​ထိ​ဝၤ​န့ၤ, မဲၤ​ဓဳၤ​ထာ်​လှဲး​လၢ်​ဝၤ အ​သး​နီး​ကၱာ်​သး​ကျး​သး​ဆဲ​လှဲး​လၢ်​ဝၤ​တ​ပွဲၤ​ကၱာ်​တ​ပွဲၤ​နီး.

ဘ့​ခ​ရၱာ်​ဘး​လှိ​ဝၤ​နဳၤ, စ​တဲၤ​သး​အဲး​နံၤ​မၱာ် ဝၤ​က​အီၣ်​လှိ​အီၣ်​လၤ​သဲာ်​ယိ​လီၤ. အီၣ်​မှ့း​အီၣ်​ကျဳၤ​ပီၢ်​အ​စာ်​ဘိ​ပၠၤ​အ​အီၣ်​လှိ​အီၣ်​လၤ​အ​ခီ​နဳၤ, ကၱာ်​အံာ်​ပ့ၤ​မဲး​ပၠၤ​နှး​ဇိၤ​သံ​တ​ဗွဲ​ပ့ၤ​မဲး.