Popular Bible Verses from မတဲ 21

Share

သီ​ထာꩻ​ယွုမ်း မဉ်ႏ​အဝ်ႏ​နဝ်ꩻ သီ​ဆု​တောင်ꩻစွဉ်ႏ အ​မျိုꩻ​မုဲင်ꩻ တ​ယဝ်း အီႏ​လꩻ” နုဲင်း​နဝ်ꩻ​သွူ။

ဗွေႏ​ယေ​သျု လဝ်း​ချာ​၊ “​ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ၊ သီ​ထာꩻ​ယွုမ်း မဉ်ႏ​အဝ်ႏ​တွော့ꩻ သင်ႏ​သ​ရ မဉ်ႏ​အဲဉ်​ထဝ်း နုဲင်း​ခွေ​က​မာꩻ​လဲဉ်း​ဒါႏ ဖက်ꩻ​ဒွိုႏ​ဆ​မွူး​ယို​နဝ်ꩻ သီ​အီႏ​မာꩻ​နွောင်ꩻ​သွူ။ နဝ်ꩻ​လွုမ်ꩻ တ​ကာႏ​တဝ်း သီ​အီႏ​လဲင်ꩻ​ရိုꩻ​ဖေႏ​နွောင်ꩻ ကောင်​ပူႏ​ယို၊ ‘​ထွိုင်ႏ​တဲင် အွဉ်ႏ​ထဲ့​သော့ꩻ နာꩻ​နမ်း ပင်ႏ​လယ်ႏ​ကို​ဟုဲင်း’ နုဲင်း​နဝ်ꩻ​နဝ်ꩻ သီ​အီႏ​မာꩻ​နွောင်ꩻ နဝ်ꩻ​သွူ။

လိုꩻ​စွိုꩻ​ဖုံႏ က​အဝ်ႏ​ထောင်​လွေꩻ​ရီး ဗွေႏ​ယေ​သျု​ဆꩻ​ငါ​တွမ်ႏ လိုꩻ​က​အဝ်ႏ​ထောင်​လွဉ်ꩻ ဆꩻ​ချာ​သား​နဝ်ꩻ ခြောဝ်​စ​စွဉ်ႏ၊ “​အုပ်ꩻ​ရောင်​သွော့ ဒါ​ဝိဒ် ပို​ခို​နဝ်ꩻ​ဟုဲင်း။ က​ကျွꩻ​လွဉ်​ဒါႏ​တွမ်ႏ ထာ​ဝ​ရ​ဘု​ရာꩻ အ​မဉ်ꩻ​တောႏ နာႏ​မ​နဝ်ꩻ ဗွေႏ​ဘု​ရာꩻ ယံ​က​ဖေႏ​သွော့ မင်္ဂ​လာႏ​ဟုဲင်း။ အုပ်ꩻ​သွော့ ဗွေႏ​ဘု​ရာꩻ​ဟုဲင်း” နုဲင်း​နဝ်ꩻ​သွူ။

ဒေါ့ꩻ​ဖေႏ​ဝွေꩻ​သီး၊ “​လိတ်ကျမ်ꩻ​ကို တဲမ်း​သေꩻ​ခါꩻ ဗွေႏ​ဘု​ရာꩻ​မိန်း​၊ ‘​ခွေ​ဗိမာန်ႏ​တောႏ​ကျောင်ꩻနဝ်ꩻ အီႏ​ဟဲ့ꩻ​ဗာႏ ဆု​တောင်ꩻ​လမ်း” ကွဲႏ​တွော့ꩻ ဗိ​မာန်ႏ​တောႏ​ကျောင်ꩻနဝ်ꩻ သီ​မာꩻ​ထိုꩻ​စွဉ်ႏ တ​ခွန်ꩻ​ဖုံႏ အုံ​ငိပ်ꩻ​ခင်ႏ​လမ်း နုဲင်း​မုဲင်ꩻ” နုဲင်း​နဝ်ꩻ​သွူ။

“​ဒေါ့ꩻ​နယ်​ဖေႏ​သွော့ ဝေင်ꩻ​သိ​အုံ၊ ထွား​ဟုဲင်း၊ သီ​ခွန်​တန်​နဝ်ꩻ အဝ်ႏ​ကျွꩻ​လွဉ် သီ​ထျꩻ​ကွေး၊ ဝွေꩻ​နဝ်ꩻ အွဉ်ႏ​ချ​ဖွိုႏ အ​သꩻ​တဲင် ထုမ်း​နေး​စွဉ်ႏ သေ​လာꩻ​မွူး​တ​ဗာႏ၊ ပါ​တွမ်ႏ သေ​လာꩻ​ပေႏ​တ​ဗာႏ” နုဲင်း​နဝ်ꩻ​သွူ။

ဗွေႏ​ယေ​သျု ဒေါ့ꩻ​ဖေႏ​ဝွေꩻ​သီး၊ နုဲင်း​လိတ်ကျမ်ꩻ က​အဝ်ႏ​ရိုꩻ​ဒါႏ​နဝ်ꩻ သီ​တ​ဖတ်​ဗာႏ​ဖို​တဝ်း နဲ့​ဟောင်း။ ‘​လမ်း​တယ်ႏ​သား က​ပယ်ႏ​ထိုꩻ​ဒါႏ လုံး​တူႏ သွုံꩻ​တ​လꩻ​တဝ်း​နဝ်ꩻ၊ ‘​ထွာ​ခွိုန်ꩻ​တော အ​ရေꩻ​တန်​သွတ်ꩻ ခင်ႏ​လမ်း​ကို။ ယို​နဝ်ꩻ ထာ​ဝ​ရ​ဘု​ရာꩻ မာꩻ​ထွာ​လဲဉ်း နဝ်ꩻ​သွူ။ က​ထီႏ​ဗာႏ​နဝ်ꩻ​နဝ်ꩻ ဟဝ်​အံႏ​ဖြာႏ​ငါႏ ခွိုင်း​ကား​မုဲင်ꩻ၊’ နုဲင်း​နဝ်ꩻ​သွူ။

ဗွေႏ​ယေ​သျု ဒေါ့ꩻ​သမ်း​ထဲင်း​ယင်း၊ “​နဝ်ꩻ​မꩻ ခွေ​ဒေါ့ꩻ​ဖေႏ​သီ၊ ဗွေႏ​ဘု​ရာꩻ​ခမ်း​ထီ နဲင်ႏ​ငံႏ​တောႏ က​အဝ်ႏ​သီ​ထျꩻ​နဝ်ꩻ အီႏ​ထူႏ​ညာꩻ​ထိုꩻ​တဲင် ဖေႏ​ထိုꩻ​တော လိုꩻ​ဖုံႏ က​အီႏ​ရာႏ​အာ သား​ဖုံႏ​နဝ်ꩻ​သွူ။