Popular Bible Verses from မတဲ 18

Share

စွဉ်ႏ​ခွေ​အ​မဉ်ꩻ နာႏ​မ​တွော့ꩻ လိုꩻ​ဝင်ꩻ​နီ ဝင်ꩻ​သွံ က​စု​ဗူႏ​လို့​ဝင်ꩻ ခင်ႏ​လမ်း​ကို​နဝ်ꩻ ခွေ​အီႏ​အဝ်ႏ​ငီꩻ စွဉ်ႏ​ဝွေꩻ​သီး​နဝ်ꩻ​ကို” နုဲင်း​နဝ်ꩻ​သွူ။

“​နဝ်ꩻ​မꩻ ခွေ​ဒေါ့ꩻ​နယ်​ဖေႏ​ထဲင်း ယင်း​သီ။ ဟံႏ​တန်​လောင်း သီ​ဝင်ꩻ​နီ သ​ဘော်ꩻ​တူႏ​လို့​ဝင်ꩻ​တွော့ꩻ က​ဆု​တောင်ꩻဒါႏ ချိန်ႏ​မုဲင်ꩻ​တ​ယဝ်း သီ​အ​တာႏ ခွေ​ဖါ အဝ်ႏခမ်းထီ​မို့ꩻ​လောင်း​ကို​နဝ်ꩻ အီႏ​မာꩻ​ဗွေ စွုံႏ​လင်ႏ​ဖေႏ​နဝ်ꩻ​သွူ။

နဝ်ꩻ​မꩻ ဗွေႏ​ယေ​သျု ဟဲ့ꩻ​လွဉ် လိုꩻ​ပေႏ​တ​ဖြာꩻ အွဉ်ႏ​အုံ​ထွိုင်ႏ ဝွေꩻ​သီး ဆꩻ​ငါ​တဲင်​ဒေါ့ꩻ၊ “​ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ၊ သီ​သꩻ​ပြောင်ꩻ​ကြုဲင်ꩻ တဝ်း​တွော့ꩻ ပေါႏ​ဗွိုန်​လွဉ်​တဝ်း နုဲင်း​လိုꩻ​ပေႏ​နဝ်ꩻ မုဲင်ꩻ​ခါ​တဲ့ သီ​အီႏ​တ​နွို့​သော့ꩻ ဗာႏ​တဝ်း ခမ်း​ထီ​မို့ꩻ​လောင်း​ကို နဝ်ꩻ​သွူ။

ပါꩻ​အ​ဖြာꩻ ချꩻ​ဖွိုႏ​အ​သꩻ​တွော့ꩻ ဗွိုန်​လွဉ် နုဲင်း​လိုꩻ​ပေႏ​ယို​နဝ်ꩻ ခမ်း​ထီ​မို့ꩻ​လောင်း​ကို ထွာ​အ​တန်​သွတ်ꩻ​သွူ။

ပါꩻ​မုဲင်ꩻ​တ​ရိုꩻ​တဝ်း ထောက်​ခွေ​အ​မဉ်ꩻ နာႏ​မ​တွော့ꩻ ရပ်​ကျိုႏ​ဆွုမ်ႏ လိုꩻ​ပေႏ​စား​ယို တ​ဖြာꩻ​နဝ်ꩻ ရပ်​ကျိုႏ​ဆွုမ်ႏ​လဲဉ်း ခွေ​နဝ်ꩻ​သွူ။

“​နဝ်ꩻ​မꩻ ခွေ​ဒေါ့ꩻ​ဖေႏ​သီ ကား​က​အဝ်ႏ၊ ဟံႏ​တန်​လောင်း​ယို နုဲင်း​သီ က​ရဲ​ဆီꩻ​ခါꩻ​ဒါႏ​ဖုံႏ​နဝ်ꩻ ခမ်း​ထီ​မို့ꩻ​လောင်း​ကို​တဲ့ အီႏ​ရဲ​ဆီꩻ​ခါꩻ​တဲင် ဟံႏ​တန်​လောင်း​ယို နုဲင်း​သီ​က​ဖေႏ​ဒါႏ အ​ခွင်ꩻ​ဖုံႏ​နဝ်ꩻ ခမ်း​ထီ​မို့ꩻ​လောင်း​ကို​တဲ့ အီႏ​ဖေႏ​အ​ခွင်ꩻ​သွူ။

တွိုႏ​နဝ်ꩻ​မꩻ ဗွေႏ​ယေ​သျု အွဉ်ႏ​သွတ်ꩻ​ငဝ်း​၊ “​လိုꩻ​စွုမ်ႏ​ဖြာꩻ သီ​သꩻ​ကို ပေါႏ​တ​အွဉ်ႏ​စွꩻ​လွစ် ဖေႏ​တဝ်း သီ​ဖူး​ဝေး​ချင်ꩻ အ​ပဲစ်​ဖုံႏ​နဝ်ꩻ ခွေ​ဖါ အဝ်ႏ​ခမ်း​ထီ​မို့ꩻ​လောင်း​ကို အီႏ​တ​အွဉ်ႏ​စွꩻ​တဝ်း သီ​အ​ပဲစ်” နုဲင်း​နဝ်ꩻ​သွူ။

“​ပါꩻ​တ​ဖြာꩻ​ဖြာꩻ မဉ်ႏ​ယား​ကုဲင်​ထိုꩻ လိုꩻ​ပေႏ​စား​ယို က​အဝ်ႏ​ယွုမ်း​အံႏ​ဒါႏ ခွေ​နဝ်ꩻ ပါꩻ​အ​ဖြာꩻ​ယို​နဝ်ꩻ စွိုင်​အ​ငွ​ဥ်ꩻ တွမ်ႏ​လွေလုံး​တန် တ​ဖြုံႏ​တွော့ꩻ အွဉ်ႏ​ဗဉ်​လင်ꩻ​သော့ꩻ ပင်ႏ​လယ်ႏ ထီ​ယော့​ကို​နဝ်ꩻ က​ယိန်း​ဟဝ်​ထဲင်း​သွူ။

“​သီ​ယူႏ နုဲင်း​မုဲင်ꩻ​ဟောင်း၊ ပါꩻ​တ​ဖြာꩻ အ​သွိုꩻ​အဝ်ႏ အ​ဗာႏ​တ​ရျာꩻ​တွော့ꩻ အ​သွိုꩻ​ဖုံႏ​ကို​နဝ်ꩻ ထိုꩻ​မား​ထိုꩻ တ​ဗာႏ​သွူ။ ဝွေꩻ​အီႏ​အွဉ်ႏ​ကုဲင် အ​သွိုꩻ ကွတ်ꩻ​ဆီ​ကွတ်ꩻ​ဗာႏ ထာꩻ​အီႏ​ဆား​ခြာ ကောင်​ဖုဲင်း​လောင်း​တွော့ꩻ အီႏ​လွေꩻ​ထုမ်ႏ သွိုꩻ​ထိုꩻ​မား​နဝ်ꩻ​သွူ။