Popular Bible Verses from မတဲ 19

Share

ဗွေႏ​ယေ​သျု ထွား​စဲင်း​လွေꩻ ဝွေꩻ​သီး​တဲင် လဝ်း​ချာ၊ “​ထာꩻ​ယို​နဝ်ꩻ လိုꩻ​အ​တာႏ တ​ထွာ​နွောင်ꩻ​တဝ်း စွဉ်ႏ​တဲ့ ဗွေႏ​ဘု​ရာꩻ အ​တာႏ​နဝ်ꩻ ထာꩻ​စွုမ်ႏ​စွိုး ထွာ​နွောင်ꩻ​ဒျာႏ” နုဲင်း​နဝ်ꩻ​သွူ။

နဝ်ꩻ​မꩻ ဝွေꩻ​သီး​နဝ်ꩻ ထွာ​ဝင်ꩻ​နီ တ​မွေး​တဝ်း၊ ထွာ​တ​ဖြာꩻ​ချင်ႏ​ဒျာႏ​သွူ။ နုဲင်း​ဗွေႏ​ဘု​ရာꩻ က​အဝ်ႏ​အွဉ်ႏ​ပေါင်ꩻ​ငီꩻ လဲဉ်း​သွူ​ဝင်ꩻ​နဝ်ꩻ လိုꩻ​ပါꩻ​မုဲင်ꩻ တ​ဖြာꩻ​တဲ့ ဖ​ထိုꩻ​ဗာႏ​တဝ်း” နုဲင်း​နဝ်ꩻ​သွူ။

ဗွေႏ​ယေ​သျု​လဝ်း​ချာ၊ “အ​စ​အ​ရီး​သွတ်ꩻ ဖန်​ဆင်ꩻ​အ​ဗွေႏ မာꩻ​ထွာ​လွဉ် လိုꩻ​ခို​တွမ်ႏ လိုꩻ​မူႏ လိတ်ကျမ်ꩻ​ကို​ရိုꩻနဝ်ꩻ သီ​တ​ဖတ် ဗာႏ​ဖို​တဝ်း​ဟောင်း။ ဗွေႏ​ဘု​ရာꩻ​မိန်း​ဖေႏ၊ ‘​ပွိုး​အ​ကျောင်ꩻခ​ရာႏ နုဲင်း​ယို​အ​တွက် လိုꩻ​ခို​တ​ဖြာꩻ အီႏ​အွဉ်ႏ​ကုဲင်​ထိုꩻ​ဗာႏ ဝွေꩻ​အ​မွိုး​ဖါ​တဲင် အုံ​ငီꩻ​ဗာႏ​တွမ်ႏ ဝွေꩻ​မာ​နဝ်ꩻ​သွူ၊ နဝ်ꩻ​မꩻ လိုꩻ​ဝင်ꩻ​နီ​နဝ်ꩻ အီႏ​ထွာ​လွဉ်​တ​ဖြာꩻ​ချင်ႏ’ နုဲင်း​နဝ်ꩻ​သွူ။

ဗွေႏ​ယေ​သျု​ဒေါ့ꩻ၊ “​လိုꩻ​ပေႏ​ဖုံႏ​နဝ်ꩻ အွဉ်ႏ​လွဉ်​ထေ့​သွော့ ခွေ​ထျꩻ၊ တွမ်ႏ​ရဲ​ဆီꩻ​ခါꩻ​မွိုန်း ဝွေꩻ​သီး​ဟုဲင်း။ ပွိုး​တွော့ꩻ ခမ်း​ထီ​မို့ꩻ​လောင်း​နဝ်ꩻ ဆဲင်ႏ​ဒျာႏ​တွမ်ႏ လိုꩻ​ပေႏ​စား​ယို​ဖုံႏ” နုဲင်း​နဝ်ꩻ​သွူ။

ကွဲႏ​တွော့ꩻ ယို​ခါ​လိုꩻ​အာ က​တ​ကတ်ꩻ ရီး​သား​ဖုံႏ​နဝ်ꩻ အီႏ​ထဲ့​ဆုဲင်ꩻ​တဲင် ယို​ခါ လိုꩻ​အာ က​ထဲ့​ဆုဲင်ꩻ​သား​ဖုံႏ​နဝ်ꩻ အီႏ​တ​ကတ်ꩻ​ရီး နဝ်ꩻ​သွူ။

နဝ်ꩻ​မꩻ ကွပ်​ပွိုး ခွေ​အ​တွက်​တဲင် လိုꩻ​စွုမ်ႏ​ဖြာꩻ က​အွဉ်ႏ​ကုဲင်​ထိုꩻ​ဗာႏ အ​လမ်း​ဖုံႏ တဲ့​နဝ်ꩻ၊ ဖူး​ခို​ဖုံႏ တဲ့​နဝ်ꩻ၊ ဖူး​မူႏ​ဖုံႏ တဲ့​နဝ်ꩻ၊ ဖါ​တဲ့​နဝ်ꩻ၊ မွိုး​တဲ့​နဝ်ꩻ၊ ပို​ဖုံႏ​တဲ့​နဝ်ꩻ၊ လုဲင်း​ခြံ​ဖုံႏ တဲ့​နဝ်ꩻ၊ အီႏ​လꩻ​လွို​ထဲင်း​ယင်း​က အ​ပွန်း​တ​ရျာꩻ​တဲင် အီႏ​လꩻ​ဗာႏ ထာ​ဝ​ရ​အ​သက် နဝ်ꩻ​သွူ။

ဗွေႏ​ယေ​သျု ဒေါ့ꩻ​ဖေႏ​ဝွေꩻ၊ “​နာꩻ​မဉ်ႏ​မဉ် ဗွေ​စွုံႏ​လင်ႏ​နဝ်ꩻ လွေꩻ​တဲင် စာ​လို့​သွော့ နာꩻ​ထာꩻ​ကားက​အဝ်ႏ​တွော့ꩻ ရွဉ်​နဝ်ꩻ ဖေႏ​ထိုꩻ​သွော့ လိုꩻ​ကေန်ꩻ​ခြော​ဖုံႏ၊ နဝ်ꩻ​မꩻ နာꩻ​အီႏ​ခြွေ​ချမ်ꩻ​သာႏ​သော့ꩻ ခမ်း​ထီ​မို့ꩻ​လောင်း​ကို​သွူ။ နဝ်ꩻ​ထွူ​လွဉ်​တဲင် လွေꩻ​လွဉ်ꩻ​သွော့ ခွေ​ဆꩻ​ချာ” နုဲင်း​နဝ်ꩻ​သွူ။

ဗွေႏ​ယေ​သျု လဝ်း​ချာ၊ “​ပွိုင်း​ဝွို့​တွမ်ႏ ထာꩻ​ဟဝ်​ခ​ရာႏ​နဝ်ꩻ ပွိုး​တ​မုဲင်ꩻ နာꩻ​ရီ​ဗာႏ​တွိုႏ ခွေ​ဟောင်း။ ထာꩻ​ဟဝ်​မျတ်​နဝ်ꩻ အဝ်ႏ​ဒျာႏ ဘု​ရာꩻ​တ​ပါꩻ​လွုမ်ꩻ​သွူ။ နာꩻ​မဉ်ႏ​မဉ် နွို့​သော့ꩻ အ​သက်​မွန် ခင်ႏ​လမ်း​နဝ်ꩻ လွောက်ꩻ​နာႏ​သွော့ ပ​ညတ်​တောႏ​ဖုံႏ။

ခွေ​ရိုꩻ​ထဲင်း​ယင်း။ လိုꩻ​ခြွေ​တ​ဖြာꩻ​တာႏ က​အီႏ​နွို့​သော့ꩻ​ဗာႏ ဗွေႏ​ဘု​ရာꩻ ခမ်း​ထီ​ကို​နဝ်ꩻ ယပ်ꩻ​ကယ်ꩻ​က ကလာအုတ်တ​ဗာႏ က​ဖျတ်​နွို့​သော့ꩻ​ဒါႏ တ​ထꩻ​မီး​အို​ကို နဝ်ꩻ​သွူ။

ခွေ​ဒေါ့ꩻ​ဖေႏ​သီ ပါꩻ​ခို အ​ဖြာꩻ​မုဲင်ꩻ​တ​ယဝ်း၊ ပေါႏ​လွို​သွူ ဝွေꩻ​မာ သ​စ္စာႏ​ဖေါက်​ထိုꩻ တွမ်ႏ​လိုꩻ​ခို​လင်​တွော့ꩻ ဝွေꩻ​အွဉ်ႏ​ကုဲင်​ထိုꩻ ဝွေꩻ​မာꩻ​တဲင် ဝွေꩻ​တောႏ​လမ်း​ယင်း လိုꩻ​မူႏ​လင် တ​ဖြာꩻ​နဝ်ꩻ ထွာ​ပဲစ်​မာႏ​လဲဉ်း ဝင်ꩻ​ပို​မာ” နုဲင်း​နဝ်ꩻ​သွူ။

တွိုႏ​နဝ်ꩻ ဗွေႏ​ယေ​သျု​ဒေါ့ꩻ​ဖေႏ ဝွေꩻ​တ​ပဲ့​တောႏ​ဖုံႏ၊ “​ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ။ လိုꩻ​ခြွေ​တ​ဖြာꩻ​တာႏ က​အီႏ​နွို့​သော့ꩻ​ဗာႏ ခမ်း​ထီ​မို့ꩻ​လောင်း​နဝ်ꩻ အီႏ​ယပ်ꩻ​ခုဲင်ႏ မွေး​ငါႏ​နဝ်ꩻ​သွူ။