Popular Bible Verses from اوّل 12

Share

خِدا روح ظاهر آبییِه هَر کسی را، گِردی مَنفعتی را آدوعَه بَبی.

اِنتَه، شِمَه مسیح بَدَنیرونه و گِلَه بِه گِلَه چَیی اَعضا ایرونه.

و اَگم ایلَه عضو عذاب بِکَشِه، گِردِ اَعضا اَیینه عذاب کَشِن؛ و اَگم ایلَه عضو حُرمت بِدارِه، گِرد ذوق بِکَرِن.

چوم که ایی نفری خِدا روح واسطه نَه، حِکمتی کلام آدوعَه بَبی، هَ روح واسطه نَه به ایی نفر دییَر معرفتی کلام. و ایی نفری هَ روح واسطه نَه، ایمان و بِه ایی نفر دییَر هَنی هَ روح واسطه نَه، شفا دوعِه عطایا. ایی نفر دییَری معجزه اَنجام دوعِه قدرت آدوعَه بَبی، ایی نفر دییَری نبوّت، و ایی نَفری اَرواح تشخیص دوعِه قدرت آدوعَه بَبی. ایی نفری گف ژَنده بِه جور بَه جورَه زَوونون، و ایی نفر دییَری جور بَه جورَه زَوونون ترجمه کَردِه آدوعَه بَبی.

گِردِ اِمِن، هَ ایلَه روح واسطه نَه که خِدا روحَه قوَت گِرِن و اَته که اِشتَن پیستِشَه اَوون سهم بَکَردی و هَر کسی آدَه.

تا بَدنی کا جِدایی مَبو، بَلکَم بَدنی اَعضا ایی اندازه یَندی فیکری کا بِبون.

عطیَه اِن جور بَه جوری نَه، امّا روحْ هَ اِستَه؛ خِدمَتِن جور بَه جوری نَه، امّا خِداوند هَ اِستَه؛ کارِن جور بَه جوری نَه، امّا هَ خدایَه که گِردِ کَسون، گِردِ چیون کا قوَت بَدای.

خِدا کلیسا دیلَه کا، اوّل رسولون، دوّم پِیغمبرون، سوّم معلّمون؛ دومله معجزه اَنجام دوعِه قدرت، چَیی بِه دومله شفا دوعِه عطیه اِن و کمک کَردِه و مدیر بییِه و جور بَه جورَه زَوونون نَه گف ژَندِه، تعیین کَردِشَه.

چوم بَدن نِه ایلَه عضوی نه، بَلکَم وِرَه اَعضا کا وَج آبییَه.

بَرعکس، بَدنی اَ اَعضایی که ضَعیفتری نَه، وِر واجبتَری نَه.

اَگَم گِردِ بَدن چِم بِبی، چِنتَه بَسی دَرَسیمون؟ و اَگم گِردِ بَدن گوش بِبی، چِنته بَسی بو آکَریمون؟ امّا اِنتَه، خِدا، بَدنی اَعضا اَتَه که اِشتَن پیستَش بَه ایلَه ایلَه بَدَنی کا نوشَه. اَگم گِردِ اَعضا ایلَه بِبین، بَدَن کییا کا وجود داریستِه؟