Popular Bible Verses from اوّل 13

Share

محبت میهروون و صبورَه؛ محبت حَسودی نِکَرِه و فَخر نِکَرِه، محبت غرور نیشَه. محبت بی اَدب نییَه و اِشتَن مَنفعتی دومله نییَه؛ محبت غِیض نِگِرِه و کینه ای نییَه؛

محبت همه چیی تحمل بَکَردی، محبت همه چی باوَر بَکَردی، هَمَش اُمید هِستِشَه و هَمه چی تاو بواَردی.

محبت بَدی کا شاد آنِبو، امّا حقیقتی نَه شادی بَکَردی.

بَس حِسَه، اِم سِه گِله چی باقی بَمَندی: ایمان، اُمید و محبت. امّا چِمون دیلَه کا محبت یالتَرینَه.

محبت هَرگز تمون آنییَب. امّا نبوّتِن از بِین بَشین و زَوونِن تمون آبون و دانایی از بِین بَشی.

اَگم آدَمون و ملائیکه اون زَوونون نَه گف بِژَنِم، ولی محبت مَدارِم، ایلَه سِنجی شیواریمَه که وِر سَرصِدا بَکَردی و ایلَه تِییَه طبلی شیواریمَه.

و اَگم نبوّت کَردِه قدرتی بِدارِم و بِشام دنیا گِردِ سِرّون و دانایی درک بِکَرِم، و اَگم اِنتَه کامِلَه ایمانی بِدارِم که بِشام کوه اون جا‌بجا بِکَرِم، امّا محبت مَدارِم، هیچی نیمَه.

اَگم چِمِن گِردِ مال و مَنالی صدقه آدَم و چِمِن جانی آتشی شعله اون تسلیم بِکَرِم، امّا محبت مَدارِم، هیچ فایدَه ای بَه مِرا نِدارِه.

اَ موقع که تَرَه خِردَن بیمَه، روکَه خِردَنون شیوار گَف ژَنیم و روکَه خِردَنون شیوار فیکر بَکَردیم و روکَه خِردَنون شیوار دلیل بواَردیم. وختی یالَه مِردَکی بیمَه، روکَه خِردَنَه کِردِکاری نومَه کَنار.