Popular Bible Verses from کولُسیان 3

Share

هَمدیَرِ تَحمِل هاکِنین، و اگه یَنَفَر، یَنَفَر دییَری جا شکایتی دارنِه، همدیَرِ بِبَخشین، هَمونجور گه خِداوَند شِمارِ بِبخشیِه، شِما هَم وِنِه هَمدِیَرِ بِبَخشین.

شی فِکرارِ هون چیایی گه لُو دَرِه ای سَر بِلین، نا هون چیایی گه زَمینی سَر دَرِه.

هر کاری گه کِنِنی دِل و جانی هَمرا هاکِنین، جوریگه اِنگار خِداوندی سِه کِنِنی، نا مَردِنی سِه.

پَس هِتی خِدایی اِنتخاب بَوِه قومی تَرا گه مِقَدَّس و عَزیزِنِه، دِلسوجی، مِهرَوونی، فروتنی، مِلایمت و صَبری لیواسِ دَکِنین.

مسیحی کلام شِمِه دِلِه فِراوونی ای هَمرا بَمونِّه؛ دِشتِه حکمتی هَمرا هَمدیَرِ نصحیت هاکِنین و تعلیم هادین، مزامیر، سرودها و آوازهایی هَمرا گه خِدایی روحی جائه، شِکر هاکِردنی هَمرا، شی دِلی دِلِه خِدایی سه بَخونین. و هر کاری گه کِنِنی، چی بُتنی دِلِه و چی رفتاری دِلِه، هَمه رِه خِداوند عیسایی اسمی هَمرا هاکِنین، و وی طریق خِدای پیرِ شِکر هاکِنین.

و دِشتِه هَینِنی سَر مِحبتی لیواسِ دَکِنین، گه هَمه چیرِ یَتِه کامِلِ اِتحادی دِلِه همدیری هَمرا پیوَن دِنِه.

پَس اگه شِما مَسیحی هَمرا زینِّه بَوِنی، اونچی گه لُو دَرِه ای دِمال بورین، اوجِه گه مَسیح خِدایی راسِ دَسی وَر نیشتِه.

مسیحی صِلح و سلامتی شِمِه دِلی دِلِه حاکم ووئِه، چونگه راساسی یَتِه تَنی دِلِه بَخونِس بَوِنی. و شِکرگزار ووئین.

پَس، اونچی گه شِمِه وجودی دِلِه زَمینیِه رِه، بَکوشین، یَعنی بی‌عفتی، ناپاکی، هوا و هَوس، بَدِ خواسِّه ها و طمع گه هَمون بِت‌پَرسیِه.

چون شِما بَمِردِنی و شِمِه زندگی مَسیحی هَمرا خِدایی دِلِه جاهادائِه.

ولی اِسا وِنِه دِشتِه هَینِنِ کِنار بِلین، یَعنی غیض، غضب، بدخواهی، تِهمت و بَد بَدِ گَب گه شِمِه دِهنی جا دیرگا اِنِه.

هَمدیَرِ دِرو نُئین، چون شِما هون قَدیمِ آدمِ وی کارایی هَمرا شی تَنی جا دیرگا هاکِردِنی و نُو آدمی لیواسِ دَکِردنی، گه حَیقی معرفتی دِلِه هر لحظه تازه وونِه تا شی خالقی تَرا دَر بیِه.

اِی مَرداکِنِن، شی زَناکِنِنِ دوس دارین و وِشونی هَمرا تِنّی نَکِنین.

اِی وَچیلِه، هر کاری دِلِه شی پیر و ماری جا اِطاعت هاکِنین، چون هَین خِداوَندِ راضی کِنِّه.

اِی زَناکِنِن، شی مَرداکِنِنی جا اِطاعت هاکِنین، هَمونجور گه خِداوندی لایقِ.