Popular Bible Verses from رومی ایشون 16

Share

خِدای صِلح و سلامتی خِیلی زود شِیطانِ شِمِه لینگی بِن لِه کِنِّه. اَمِه خِداوند عیسایی فیض شِمِه هَمرا دَوو.

اِی بِرارِن، خوایمِه شِمِه جا خواهِش هاکِنِم اونانیگه سیوایی ای باعِثِنِه ای مواظِب ووئین، شِمِه راهی سَر مانع اِلنِنِه و هون تَعلیمی هَمرا گه شِما بَیتِنی، مخالِفت کِنِنِه؛ وِشونی جا دوری هاکِنین،

چون هَینجور آدَمِن اَمِه خِداوند مَسیحِ خِدمَت نَکِنِنِه، بَلگی شی اِشکَمی سِئر هاکِردنی دِمال دَرِنِه و قَشنگِ گَبا و چاپلوسی ای هَمرا سادِّه آدَمِنِ گول زَنِنِه.

اِسا وی جلالِ گه بَتِنِّه طبقِ می انجیل و عیسی مسیحی موعظه شِمارِ تقویت هاکِنِه_ یَعنی طبقِ یَتِه رازی کَشف هاکِردَن گه از اوَّلِ دِنیا جاهادا وِه، ولی اَلَن طِبقِ پِیغَمبرِنی بَنوِشت و اَبَدی خِدایی حِکمی هَمرا، دِشتِه مَردِنی سِه معلوم بَوِه، تا وِشون ایمون بیارِن و اطاعت هاکِنِن- ویگه تَنیا حکیمِ خِدائه، عیسی مَسیحی طریقی جا تا اَبَد جَلال ووئِه! آمین.