Popular Bible Verses from دوّمین نامه قرنتیانِ وَسین 4

Share

پَس نه اونچه رِه که بَدیه بونه، بلکِه اونچه رِه که نَشَئنِه اونِ بَدییَنِ چِشم دوزِنیم، چون اون چیزان که بَدیه بونه گُذرائه، ولی اون چیزان که نَشَئنِه اونِ بَدییَن اَبَدیِه.

پَس نا اُمید نَبونیم. هر چَن اَمیِ ظاهرِ دَرِه از بین شونه، اَمی باطن هر روز تازه تر بونه. چونکه اَمیی کوچِ و زود گُذَرِه رَنجِشان، اَبدی جَلال اَمِرِه هارنه، که نَشَئنِه اون رنجهایِ هَمرَه قیاس هَکُردَن.

اَما هر طرفِ سختی یه دِلِه دَرِیم، وَلی نَشکِسّیم؛ بُهت کانیم، وَلی نا اُمید نییَیم؛ عذاب کَشِنیم، وَلی وِل هَکُردهِ نَبَیم؛ زمینِ سَر بَکِتیم، وَلی کم نیاردیم.

وَلی این گنجینِه رِه گِلی پیلکائِشانِ دِلِه داریم، تا معلوم هَبو که این گَتِه قُدرَت خُدایِ جییه نه اَمیی جی.

این دُنیایِ خُدا بی ایمانانِ فِکران رِه کور هَکُردِه تا مسیحِ جَلالِ اِنجیلِ نور که خُدایِ دیمِ رِه، نَینِن.

چون همون خُدا که باَگوته: «نور ظُلَمات مینِ جی بِتابِه،» خودشه نورِ اَمیی دِلِ میَن بِتاباندِه تا خُدایِ جَلالِ بِشناسیَن هَمرَه، مسیحِ دیمِ میَن، اَمَره نورانی هَکونه.